Ataani takuneqarsinnaapput iluanaarutinut pilersaarummi ilaasunut akit atugassarititaasullu 2024-mi augustip 31-ata tungaanut atuuttussat.

Akit

Atugassarititaasut

Iluanaarutinut pilersaarutip atorunnaarsinneqarneranut atatillugu allannguutaasussat pillugit apeqqutissaasinnaasut akissutaallu katersorsimavagut.

Allannguutit ilinnut qanorpiaq kinguneqassappat?

• Kortinut akiliutinut akikilliliineq siornatigut 10%-iullunilu 25%-iusimasoq atorunnaassaaq.
• Priority Pass-imut atatillugu akikilliliinerit ukiumut sisamariarluni akeqanngitsumik mittarfinni lounge-qarfinniititsisoq atorunnaassaaq.
• Uatsinni taarsigassarsisimaguit erniat allanngussanngillat – tassa imaappoq iluanaarutinut pilersaarutip atorunnaarsinneqarnerata taarsigassarsiavit erniai sunnissanngilai.
• Netbank suli akeqassanngilaq, maannalu Netbank sullitanut tamanut akeqassanngilaq.
• Augustip 31-ata tungaanut ileqqaakkanut kontomik qaammatini pingasuni pituttorsimasumik pilersitsisinnaavutit, ernianit nalinginnaasunit 0,5%-imik erniaqarnerusumik.Taamaattumik ileqqaakkanut kontotaarusukkuit ugguuna pilersissinnaavat. Aamma soorunami attavigisinnaavatsigut, taava ikiussavatsigit.

Erniat allannguutinit sunnerneqassappat?

Naamik, taarsigassarsianut erniat iluanaarutinut pilersaarutip atorunnaarsinneqarneranit sunnerneqassanngillat.

Uannut akisunerulissava?

Kortinut akiliutaasunut akikilliliinerup atorunnaarsinneqarnerani korteqarnermut akiliutitit qaffassapput. Akerlianilli maanna ileqqaakkanut kontomik qaammatini pingasuni pituttorsimasumik pilersitsisinnaavutit nalinginnaasumit qaffasinnerusumik ernialimmik. Augustip 31-ata tungaanut kontomik taamaattumik pilersitsisinnaavutit.

Kortinut akiliutaasunut akikilliliisarnerput atorunnaaraluartoq kortinut akiliutaasunut akigititagut suli unammillersinnaalluartuussapput.

Allannguutinut atatillugu uanga arlaannik iliuuseqassaanga?

Naamik, allannguutit nammineerlutik atulerumaarput, kisianni apeqqutissaqaruit uatsinnut saaffiginninnissannut tikilluaqqusaajuaannarputit.