Coronavirus: sullitat eqqugaasimasut ima ikiussavagut

Coronavirusip tuniluunneranut atatillugu immikkut ittumik nalaataqarpugut. Virusip tuniluunnera siullertut peqqinnissaqarnermut sunniuteqarpoq, tamatumali saniatigut aamma inuiaqatigiinni aningaasaqarnermut atatillugu annertuumik sunniuteqarpoq, taamaammallu aamma sullitatsinnik eqquilluni.

Sullitavut pissutsinit tamakkunannga ilungersortitaalersut aningaasaqarnikkut qaangiilluarnerunissaannut ikiorumallugit arlalinnguanik suliniuteqarpugut.

Sullitat tamarmik immikkut sullinneqartarumaarput, tamarmillu immikkut aningaasaqarnerat aallaavigalugu sullinneqartassallutik.

Sullitanut privatinut suliniutit naalisarlugit imaapput

• Taarsigassarsiat taarsersuutitaqanngitsut: Taarsigassarsianik akilersuineq kinguartikkallarneqarsinnaassaaq akilersuinerullu sivisussusaa sivitsorneqarsinnaassalluni – soorlu ineqarnermut biilinulluunniit taarsigassarsianut
• Aningaasanik pisassanik sippuilluni atuigallarneq periarfissaassaaq.

Sullitanut inuussutissarsiortunut ikiuutit

Sullitavut inuussutissarsiortut kaaviiaartitamik ilaannik tamakkiisumilluunniit annaasaqarsimasut, annaasaqarnissamilluunniit ilimasuttut aamma ikiorumallugit suliniuteqarpugut:

• Qaammatit arfinillit tungaannut taarsersuutitaqanngitsumik taarsigassarsisinnaaneq
• Akiliisinnaassuseq anguniarlugu ikiorneqarnissamut periarfissat allat

Immikkut ittumik nalaataqarpugut
”Massakkut nalaatavut immikkut illuinnarput, tamatsinnullu arlaatigut sunniuteqarput, tamanna qularnanngilluinnarpoq. Taamaammat aningaaseriviusugut pisussaavugut sullitatsinnut aningaasatigut eqqugaasimasunut ikiuissalluta. Neriuppugut suliniutivut sullitatsinnut eqqissiallatsitsisinnaassasut, piffimmi aggersumi imaassinnaammat sullitatta ilaat aningaasarsiaat appartut, soraarsitaasut, imaluunniit kaaviiaartitaat annikilleriartoq,” Árni Ellefsen, BankNordikimi pisortaaneq oqarpoq.

Suliniutit ingerlaannaq atuutilissapput, neriuppugullu sullitatta ulluinnarni aningaasaqarnikkut ingerlaannarsinnaanissaannut iluaqutaassasut, taamaasillutillu COVID-19-ip kinguneri taamarsuaq innarliissanngitsut.

Sullitavut allanik apeqqutissaqassappata allatigulluunniit ikiorneqarnissamik pisariaqartitsissappata qinnuigaagut attavigeqqulluta.