Avammut tunisinermi qulakkeereqatigiinneq
Suliffeqarfiutissinni nunanut allanut nioqqutinik sullissinermilluunniit tunisisarussi, qulakkeereqatigiinneq - eksportrembursimik taaneqartartoq - atorlugu pisisup akiliinissaa qulakkeersinnaavarsi. Qulakkeereqatigiinnermi piumasaqaatitut isumaqatigiissutigisimasasi eqquutsinneqarsimappata pisisussap bankerisaata pisisup akiliinissaa qulakkiissavaa.
Avammut tunisinermi qulakkeereqatigiinneq ima suliarineqartarpoq
Pisisussarlu akiliineq qulakkeereqatigiinnikkut ingerlanniarlugu isumaqatigiissimagussi pisisussaq bankimut saaffiginnilluni qulakkeereqatigiissummik suliffeqarfiutinnut pisussamik pilersitsissaaq. Qulakkeereqatigiissut BankNordikimut nassiunneqassaaq (swift: BANODKKK). Qulakkeereqatigiissut tigugutsigu suliffeqarfiutit attavigissavarput.
Nioqqutit pisisussamut nassiutereerukkit qulakkeereqatigiinnermi piumasaqaatit naapertorlugit uppernarsaatitai BankNordikimut tunniutissavatit. Taava uppernarsaatit pisisussap bankianut nassiutissavavut, taava isumaqatigiissut naapertorlugu akiliineq suliarineqassaaq.
Avammut tunisinermi qulakkeereqatigiinnerup iluaqutai
Qulakkeereqatigiinneq avammut nioqquteqartunut iluaqutissartaqarpoq
- Nioqqutit akilerneqassapput
- Piffissaq eqqorlugu akilerneqassapput
- Avammut tunisisoq akuersiseqqaarlugu aatsaat inniminniineq allanngortinneqarlunilu taamaatinneqarsinnaavoq
- Suleqatigisat allat tungaatigut qularnaallisaatitut atorneqarsinnaavoq
Nalorninartortai
Avammut tunisinermi qulakkeereqatigiinnermi navianaat pisisussamit pisisussap bankianut tutsinneqartarpoq. Taamaammat pisisussap bankiata akiliisinnaasuunissaa eqqumaffigisariaqarpoq, nioqqutit uppernarsaatitai bankimut tassunga apuuppata akilerneqarnissaat qulakkeerumallugu. Kissaatigigukku, BankNordikip avammut tunisinermi qulakkeereqatiginninnerit uppernarsarlugu nioqqutit akilerneqarnissaannut amerlanertigut qularnaveeqqusiisinnaasarpoq. Tassa imaappoq qulakkeereqatigiinnermi piumasaqaatit eqquutsinneqarsimappata akilerneqarnissaa qularnaveeqqusersinnaavarput. Taamaasillutit akiliisoqarnissaa qulakkeersinnaavat - pisisussap bankiata akilersinnaanngikkaluarpaguluunniit.
Suleqatigisat allat tungaatigut qularnaallisaaneq
Qulakkeereqatigiinneq suleqatigisap allap tungaatigut qularnaallisaatitut atorneqarsinnaavoq. Assersuutigalugu qulakkeereqatigiinneq nuusseqqusinermut uppernarsaatitaqartissinnaavat, taamaasillutit akiliineq pippat suliffeqarfimmut allamut ingerlateqqitassat annertussusaat aalajangiutereerlugu. Qulakkeereqatigiinneq nuunneqarsinnaasutut aaqqissuussaappat aamma ilaa tamaalluunniit pilersueqataasumut allamut ingerlateqqissinnaavat. Qularnaallisaaneq pillugu paasisaqarnerugit.
34 79 00-imut sianersinnaavutit...
... aamma ataatsimiinnissamik inniminniineq, allagaqarneq, sulisumilluunniit attaveqarneq periarfissaapput.