Avammut tunisinermi akiliisitsiniarneq

Avammut tunisinermi akiliisitsiniarneq atoraanni pisisussaq akileeqqaarluni aatsaat nioqqutit tigunissaannut uppernarsaatit bankerisaminit tigusinnaassavai.

Iluaqutai
Avammut tunisiniaruit avammut tunisinermi akiliisitsiniarneq ilinnut iluaqutissartaqarpoq

• Pisisussaq akileereerpat akiitsornissamulluunniit akuersereerpat aatsaat nioqqutit tigunissaannut uppernarsaatit tunniunneqassapput
• Akiliinngitsoortoqarsimappat BankNordikip pisisup bankia aqqutigalugu akiliisitsiniaaneq isumagissavaa
• Akiliisitsiniaaneq qulakkeereqatigiinnermit pisariinneruvoq

Ima aaqqissuunneqartarpoq
Illit tunisisuuguit pisisussaq isumaqatigeriarlugu akiliisitsiniarnerup aaqqissuunneqarnissaa suliarissavat. Nioqqutit nassiutereerukkit uppernarsaatit isumaqatigiissutigisimasasi akiliisitsiniarnermut immersugassamik ilalerlugit BankNordikimut tunniutissavatit. Uppernarsaatit pisisussap bankianut ingerlateqqissavagut. Pisisoq akileereeruni akiitsornissamulluunniit akuersereeruni uppernarsaatit tigussavai.

Nalorninartortai
Nunani tamalaani akiliisitsiniarnermut malittarisassat malillugit uppernarsaatit eqqortuunissaat piviusumillu imaqarnissaat BankNordikip akisussaaffiginngilaa. Pisisup pappialat uppernarsaataasut atorlugit aatsaat nioqqutit tigusinnaasartussaagaluarpai, kisianni nioqqutit pisisussamut toqqaannartumik nassiunneqarsimappata uppernarsaatinik takutitsinngikkaluarluni tigusinnaavai. Taamaammat nassiussassanik isumaginnittartoq aqqutigalugu nioqqutinik nassiussisarneq innersuussutigaarput.