Qulakkeereqatigiinnerit assigiinngitsut

Qulakkeereqatigiinnermi eqqumaffigissavat atia remburs arlaannik ilaqartuaannarmat.

Importremburs imaluunniit eksportremburs

Importremburs eksportrembursilu tunngaviusumik assigiikkaluarput. Assigiinngissutigiinnarpaat tunisisutut pisisutulluunniit inissisimalluni isigineqarnersoq.

Importremburs 

Suliffeqarfiutinni nunanit allanit nioqqutinik sullinneqarnernillu eqqussisarussi importremburs akileeriaasissatut piukkunnarsinnaavoq.

Eksportremburs 

Qulakkeereqatigiinneq atorlugu nunani allaniittumut nioqqutinik sullinneqarnernilluunniit tunisisaruit pisisup bankianit akiliisoqartarnissaa qulakkeersinnaavat.

Qulakkeereqatigiinneq uteqqinneqarsinnaanngitsoq uteqqinneqarsinnaasorluunniit

Qulakkeereqatigiinneq uteqqinneqarsinnaanngitsuuppat allanngortinneqarsinnaananilu utertinneqarsinnaanngilaq - aatsaat pisisoq tunisisorlu tamarmik isumaqataappata. Taamaattorli uteqqinneqarsinnaasuuppat eqqussisup qulakkeereqatigiissut qimakkallarsinnaavaa, aatsaallu tunisisup bankiata piumasaqaatitat naammassippagit uterfigeqqillugu. Qulakkeereqatigiinnerit uteqqinneqarsinnaasut atugaarpianngillat.

Qulakkeereqatigiinnerit uppernarsarneqartut uppernarsarneqanngitsulluunniit

Qulakkeereqatigiinneq uppernarsarneqarsimappat tunisisup bankiata qulakkeerlugu oqaatigisinnaassavaa pappialat isumaqatigiissutigineqarsimasut tunniunneqarpata akiliineq pissasoq. Uppernarsarneqarsimanngippat tunisisup bankiata akiliinerup pinissaa qulakkeerlugu neriorsuutigisinnaassanngilaa.

Tassa imaappoq tunisisoq qulakkeereqatigiinnermik uppernarsarneqarsimanngitsumik tunineqarpat pisisup bankiata taamaallaat akiliineq qulakkiissavaa. Pisisup bankia arlaannik peqquteqarluni akiliisinnaajunnaassagaluarpat qulakkeereqatigiinneq uppernarsarneqarsimappat aatsaat tunisisup bankiata akiliineq naammassissavaa.

A-vista-remburs imaluunniit qulakkeereqatigiinneq kinguartitamik akiliinertalik

A-vista-remburseqaraanni pappialat isumaqatigiissutigineqarsimasut tunniunneqarneranni tunisisup aningaasat tigusarpai. Periuseq taanna nalinginnaanerpaavoq. Aamma periarfissaavoq tunisisup pisisullu isumaqatigiinneratigut kingusinnerusukkut akiliineq, taava qulakkeereqatiginninnerussaaq kinguartitamik akiliinertalik.

Standby-remburs

Standby-remburs qularnaallisaatitut atorneqartarpoq, akileeriaasiunngilarli. Standby-remburs atoraanni eqqussisup nammineerluni akiliineq isumagisarpaa, aatsaallu eqqussisoq akiliinngitsuussappat standby-remburs atorneqassalluni. Ataavartumik nioqqutinik nassiussuinerni standby-remburs atorneqarajuttarpoq.

Nunat killingi qaangerlugit akiliineq

Nunat killingi qaangerlugit akiliinerit piffissaq eqqorlugu pisarnissaat qulakkeerumallugu siunnersuillutalu ikiuisarpugut.

Avammut tunisanik qulakkeerinninneq

Avammut tunisisaruit nioqqutit isumannaatsumik nassiunneqarnissaat qulakkeertariaqarpat.

Incoterms 2010

Nunanit allaneersunik niueqateqarnermi aalajangersakkat nunarsuaq tamakkerlugu atuuttut.

Immersugassat

Qulakkeereqatigiinnermi pappialarsornikkut eqqumaffigisassat amerlaqaat

Suliffeqarfiutivit sullinneqarnissaanut periarfissat paaserusuppigit?

Uunga sianerfigitigut

34 79 00

... allaffigalutaluunniit