Avataaniit niuernermi qulakkeereqatigiinneq
Suliffeqarfiutissinni nunanit allanit nioqqutinik pisisarussi imaluunniit sullinneqartarussi, taava qulakkeereqatigiinneq – importrembursimik taaneqartartoq - akileeriaasissatut piukkunnarsinnaavoq. Qulakkeereqatigiinnermi pisiarineqartup akilerneqarnissaa qulakkeerneqartarpoq. Akileeriaaseq taanna isumannaaqimmat pisiffigisannit krediteqartinneqarnissat ajornannginnerussaaq, aammalu akikilliliivigineqarsinnaassallutit.
Avataaniit niuernermi qulakkeereqatigiinneq ima suliarineqartarpoq
Nioqqummik sullinneqarnermilluunniit pisisoq BankNordikimut saaffiginnissaaq tunisisumut qulakkeereqatigiissummik pilersitsiumalluni. BankNordikip tunisisoq avataaniit niuernermi qulakkeereqatigiissutissaanik sanaatissavaa. Tunisisup nioqqutit ilinnut nassiutissavai, qulakkeereqatigiissummilu piumasaqaatit malillugit pappialartai bankiminut tunniullugit. Pappialat BankNordikimut ingerlateqqinneqassapput, isumaqatigiissullu malillugu BankNordik akiliissaaq. Immersugassaq qulakkeereqatigiissummik qinnuteqarfissaq uunga aajuk.
Avataaniit niuernermi qulakkeereqatigiissutip iluaqutai
Nioqqutissanik eqqussuisuullutit avataaniit niuernermi qulakkeereqatigiissut assigiinngitsutigut iluaqutigisinnaavat
- Niuernermi piumasaqaatit tamarmik eqquutsinneqarsimappata aatsaat qulakkeereqatigiissummi akissatut isumaqatigiissutigisarsi akilissavat
- Isumaqatigiissut malillugu nioqqutit nassiunneqarnissaat qularnannginnerussaaq
- Akiliinissat qulakkeersinnaagakku akikilliliivigineqarnissannut periarfissaqarnerussaatit
- Tunisisumit piffissap aalajangersimasup iluani akiitsoqarallarnissamut periarfissaqarnerussaatit
Nalorninartortai
Eqqumaffigisariaqarpat qulakkeereqatigiissut pilersinneqareerpat eqqussisuusutit peqqissimisinnaatitaannginnavit. Tassa imaappoq, tunisisoq akuersiseqqaarlugu aatsaat inniminniineq taamaatiinnarsinnaavat allanngortilluguluunniit. Nioqqutit pisiarineqartut pitsaassusaat qulakkeereqatigiissummi qulakkeerneqarneq ajorput, pissutigalugu pappialat uppernarsaataasut qulakkeereqatigiissummi aallaaviusarmata. Taamaammallu aamma nioqqutit pisiarisimasatit naatsorsuutigisimasannit ajorneruppata banki aqqutigalugu aningaasat uterteqqissinnaanngilatit. Taamaattorli eqqussavit isumaqatigiissutit malillugit pitsaassuseqarnissaat qulakkeersinnaavat, nioqqutit nassiunneqartinnagit attaviitsumit misissorneqartikkukkit.
Piumasaqaatit erseqqissut
Isumaqatigiissusiornermi qulakkeereqatigiissutip piumasaqaatitaasa erseqqissuutinnissaat pingaaruteqarpoq. Aallaqqaataaniilli erseqqissumik isumaqatigiissuteqarluni qulakkeerinninngikkaanni nioqqutit imaaliallaannaq kinguaattoorsinnaapput, isumaqatigiissulluunniit atorunnaarsinneqarsinnaalluni.
34 79 00-imut sianersinnaavutit...
... aamma ataatsimiinnissamik inniminniineq, allagaqarneq, sulisumilluunniit attaveqarneq periarfissaapput.