Illu inissiarluunniit nammineq pigisaq

Illumik inissiamilluunniit nammineq pigisassamik pisiguit illit pigissavat - taamaattorli inissiaq ejerlejlighediuppat qaammatikkaartumik peqatigiiffissi ataatsimoorussamik aningaasartuutigisartagai pillugit ineqarnermut akiliisassaatit. Tassunga ilanngullugu ineqarnermut akiliutigisartakkat ilagisassavaat realkreditlånimut akiliutit, ineqarnermullu tunngasumik taarsigassarsisimaguit aamma tassunga akiliutit.

Illusinermi realkreditlånimik aningaasaliineq

Illusinermi amerlanertigut realkreditlånimik taarsigassarsineq akikinnerpaallunilu eqaannerpaasarpoq. Illusiap nalingata annerpaamik 80 %-ia realkreditlånimik aningaasalersorneqarsinnaavoq, bankimilu illumut taarsigassanut allanut sanilliullugu taanna erniakinnerungaatsiarajuttarpoq. Illusinermi realkreditlån aalajangersimasumik erniaqartissinnaavat. Taamaalioruit siunissami ernianik qaffaasoqassagaluarpat illit isumannassanngilatit.

BankNordikip Nykredit aamma DLR suleqatigivaa, taakkulu Kalaallit Nunaanni realkreditlåninik immikkut ilisimasaqartuupput. Suleqatigiinnerput taanna pissutaalluni BankNordik aqqutigalugu toqqaannartumik kreditforeningimit taarsigassarsisinnaavutit. Taamaasillutillu illusileruit taarsigassarsinialeruit ataasiinnarmut saaffiginnillutit tamaasa isumagisinnaassallugit.

Illumik pisineq tunisinerlu

Illut inissiallu pigisat illunik tuniniaasartut aqqutigalugit tuniniarneqarlutillu pisiarineqarajuttarput. Inigisat tuninialerukku akissaa nammineq aalajangissavat. Taamaattorli illunik tuniniaasartumik oqaloqateqarnissaq innersuussutigaarput, taakkua niuerfimmi pissutsinik najugarisannilu akigititaasartunik ilisimaarinnittuusarmata.

Pilerigisat nassaarigukku naatsorsuisinnaavugut

Illumik pisiarerusutannik nassaaruit nuisinneqarnerani allagartaa bankimi siunnersortinnut nassiukkiuk. Siunnersortip paasissutissat misissussavai aningaasaliinertassaalu iluarnerpaasoq naatsorsoqqissaassallugu.