Katinnissamut akissaqarneq
Katinneq akeqanngilaq, taamaattorli nalliuttorsiorneq akisungaatsiarsinnaavoq. Taamaammat siusissukkut pilersaarusiorneq katersinerlu iluaqutigingaatsiarsinnaavarsi.
Pilersaarusiornermi aalajangigassat siulliit ilagaat qanoq katittorsiorneq ingerlanniarnerlugu, qanorlu akissaqarnerlusi. Missingersuusiorneq iluaqutaasinnaavoq, taamaasilluni nalliuttorsiornissarsi qanoq akeqassanersoq - aningaasallu tassunga atugassatut aalajangiussimasasi naammassanersut - takorlooruminarnerussammat.
Katinnissamut missingersuusiorfissaq uunga aariarlugu pilersaarusiorlusi aallartissinnaavusi
Katinnissassinnut aningaasat pillugit siunnersuutit
- Qaaqqusassasi allattorsigit - qanoq amerlatiginerat nalliuttorsiornermi aningaasartuutinut apeqqutaangaatsiassaaq
- Sumiiffissaq - festsalit akisoorsuusinnaasarput. Siusinaarlusi paasiniaalereerussi sumiiffissat pitsaanerit akitigullu iluarnerit pissarsiarisinnaanerussavasi
- Nerisassat imigassallu - aamma aningaasartuutinut apeqqutaangaatsiartuupput. Eqqarsaatigisinnaavarsi tulleriiaartunik arlalinnik sassaalliisitsiniarnerlusi, imaluunniit nerisassat annikinnerulaassanersut immaqalu nerrivimmi nammineq aallertarfissamiitissanerlugit.
- Nerisassat, naasut, assilisinneq il. il. aaqqissuunnialeraangassi arlalinnut neqeroorfigeqqugitsi
- Eqqarsaatigisinnaavarsi "nalinginnaanerusunik" tunissutisinasi nalliuttorsiornermut angalanissamulluunniit tapiiffigineqarnissamik kissaateqassanerlusi
Katinnissassinnut katersigitsi ...
Missingersuusioreerussi aamma takusinnaassavarsi aningaasat qanoq amerlatigisut immaqa amigaatiginerlugit. Immaqa ileqqaagaqalaartariaqassaasi. Ileqqaarnermut naatsorsuuterput atorlugu nammineq naatsorsorsinnaavarsi aningaasat pisariaqartitasi katersorumallugit qanoq sivisutigisumik qanorlu annertutigisumik ileqqaagaqartassanerlusi.
... pisariaqassappallu taarsigassarsilaarlusi
Imaassinnaavoq katikkussi nalliuttorsiornissassinnut aningaasartuutit ilai eqqarsaatigalugit taarsigassarsisusi. Aningaasaqarnikkut inissisimaffissi apeqqutaalluni periarfissat assigiinngillat. Oqaloqatigaluta paasiniaaniarisi. Aamma katisimasutut inissisimalernissi aningaasaqarnissinnut qanoq sunniuteqassanersoq oqaluttuarisinnaavarput.
Uatsinni periarfissatit paasisaqarfiginerorusuppigit?
Uunga sianerfigitigut