Qinnuteqarnermut CV-mullu siunnersuutit

Allalluagaasumik qinnuteqaasiorneq CV-liornerlu nalornissutigisarpigit? Suunuku pikkoriffigalugit suliffigerusutannut iluaqutaasinnaasutit, qanorlu ersarinnerpaamik takutissaviuk atorfik taannarpiaq piumassuseqarfigersuaarlugu aallutissallugu?

Qinnuteqaammik allannerni iluaqutigisinnaasannik siunnersuutinik katersigatta.

Qinnuteqaammut siunnersuutit

  • Aallarniutigalugu naatsumik oqaatigissavat sooq tassungarpiaq qinnuteqarnerlutit, aammalu sooq piukkunnarnerlutit. Sulisussarsiortut tunuliaqutaat misissorsimagukku iluaqutaasarpoq, taava takussavaat suliffigerusutanni sulilerumallutit pimoorussillutit piareersarsimasutit.
  • Inuttassarsiuussilluni allataq eqqumaffigissavat, tassani allassimasut aallaavigalugit qinnuteqaat allallugu.
  • Tigussaasumik allanniarsarigit, assersuusiorsinnaaguillu misilittakkatit piginnaasatillu aallaavigalugit assersuusiorlutit.
  • Atorfinissasuuguit suliaq qanoq ingerlakkusussanerlugu naatsumik nassuiaagit. Taava atorfinissagaluaruit qanoq periuseqarnissat sulisussarsiortumut takorlooruminarnerussaaq.
  • Ilumoorneq aqqutissaajuaannarpoq - ilumoorlutit ilisaritissaatit, nikaginak aammalu qaffassimaarnak, piviusut aallaavigalugit. Tulluarnerpaasumik nassaarnissaq suliffissannut ilinnullu pingaarneruvoq.
  • Qinnuteqaatip qupperneq ataaseq sinnissanngilaa.

CV-mut siunnersuutit

  • CV pisut tulleriiaarneri aallaavigalugit pikkoriffiilluunniit aallaavigalugit tulleriiaagaassanersoq toqqassavat. Uani nassuiarneqarpoq (qallunaatut allassimavoq).
  • Illit pillutit paasissutissat, suliffigisimasat ilinniakkallu allattukkit. Erseqqissumik naatsumillu taakku aallaavigalugit piginnaasatit allassavatit, aammalu suut angusimanerlugit.
  • Piginnaasanik allanik ilasinnaavatit, soorlu qarasaasialerineq, oqaatsit, inuttullu soqutigisat, tamakkiisumik qanoq ittuuninnik ersersitseqataasunik - pikkoriffiit kinaassuserlu eqqarsaatigalugit. Qinnuteqarsimasut amerlagaangata inuttut soqutigisat eqqaamajuminarnerusarput.
  • CV assitalerniarnerlugu aalajangissaatit. Assitalerniarukku ilumoorsaartumik assitalissavat - asuli feeriarlutilluunniit assinnik ikkussissanngilatit.
  • Pikkoriffitit misilittakkatillu uppernarsarlugit uppernarsaatinik kakkiussissaatit. Soorlu innersuussinernik, pikkorissarnernit uppernarsaatinik, imaluunniit suliarisimasannik assersuutinik.

Aamma takukkit

Atorfiit inuttassarsiuussat

Ingerlatseqatigiiffik pillugu

BankNordikimi ilinniarneq