Nuummi siunnersortissaq

Unamminartunik nutaanik kissaateqarpit? Sullissanut ataasiakkaanut sammisaqarfiup annertusiartornerata ingerlaannarnissaanik qulakkeerinneqataarusuppit? BankNordik Nuummi immikkoortortaqarfitsinni siunnersortimik ammasumik pissarsiorpoq.

Makku pissavatit

• Suliffik tamatigoortoq piginnassanik ingerlaavartumik ineriartortitsinissamut periarfissaqarluartoq.
• Akisussaaffik annertooq aamma pitsaasunik angusaqartitsinissamut periarfissalik.
• Suliffimmik sunniinissamut aamma illit isumassarsiappit pitsaasut piviusunngortinnissaannut periarfissalik.
• Suleqatit piginnaasut aamma pimoorussisut. Ataatsimoorluta aningaaseriviup iluatsitsilluarnerata ingerlaannarnissaanik ingerlatsivugut.

Immikkoortortaqarfik sullissanut ataasiakkaanut immikkoor-tortaqarfimmik 13-inik sulisulimmik aamma inuussutissar-siortunut immikkoortortaqarfimmik arfinilinnik sulisulimmik ilaqarpoq, tassani suleqatigiinnut pimoorussisunut aamma uummarissunut ilaalissaatit, tassani isumagissaarneq ulluinnarmi pissusissamisoortunut ilaavoq. Tamatta sulerusussuseqarluta sulivugut – aamma akunnitsinni.

Suliffiit

Uagutsinni sullissanut ataasiakkaanut siunnersortitut ullut tamarmik pissanganartarput, aamma nammineq sullissat uninngasuutaannut mappersakkamik sunneeqataanermik, isumaginninnermik, ineriartortitsinermillu akisussaaffeqalis-saatit.

Sullissaq qitiutittuassavat aamma sullissap pisariaqartitai periarfissaalu aallaavigalugit siunnersuisassaatit. Suliamut tunngasumik paasisimasaqarluarlutit sullissap aningaa-saqarnera tamaat aqqusaartassavat.

Illit tunngaviusumik suliassaraat qulakkiissallugu, sullissappit aningaasarivik qungujullutik qimattassagaat, pissutigalugu illit – aallartitamik pilersitsisuullutit – taakkua inissisimanerat aalajangersimasoq eqqorlugu siunnersorsimagakkit.


Illit pillutit

Sullissanut ataasiakkaanut siunnersuinermik misilittagaqar-putit, kiisalu aningaasaqarnermi ingerlataqarfimmit suliamut tunngasumik tamatigoortumik ilinniarsimavutit, ineqarne-rup, utoqqalinersiat/utoqqalinersianik sillimmasiinerit aam-ma aningaasaliissutit iluanni misilittagaqarputit. Sullissanik ataatsimeeqateqarnerit pitsaasumik angusanngortinnissaat sapinngilat, sullissamut aamma aningaaserivimmut. Saniatigut naatsorsuutigaarput, niuerniallaqqissuusutit.

Suliffimmi ujartuisumiinnerit iluarisimaarpat, ajukkutinngit-sunik piviusunillu anguniagaqartarputit, aamma unamil-lernartunik suliaqarusupputit. Sullissanik ataatsimeeqateqarnerit pitsaasumik angusanngortinnissaat sapinngilat, sullissamut aamma aningaaserivimmut.

Sullissanik aamma suleqatinnik naapitsinermi kiinneraar-tuuvutit aamma suliffimmi avatangiisinut pitsaasumik pimoorussisumillu tuniseqataavutit.

Naatsorsuutigineqarpoq, qallunaatut oqallorittuullutillu allassinnaallutillu atuarsinnaassasutit. Kalaallit oqaasiinik ilisimasaqarneq aamma Kalaallit Nunaannit nalinginnaa-sumik misilittagaqarneq soorunami iluaqutaassaaq kisianni piumasaqaataanngilaq.

Qinnuteqaat

Qinnuteqaatippit piaarnerpaamik tigunissaanut qilanaarpugut. Atorfimmut qinnuteqarsinnaavutit una innersuussissut atorlugu.

Atorfik pillugu apeqqutissaqaruit, tikilluaqqusaavutit Sullissanut ataasiakkaanut pisortaq René K. E. Sørensen, e-mailikkut res@banknordik.gl imaluunniit oqarasuaatikkut 54 45 45 saaffigissallugu.

Banki pillugu

BankNordik aningaaserinikkut ingerlatseqatigiiffiuvoq nukittooq Kalaallit Nunaanni, Danmarkimi, Savalimmiunilu bankimik ingerlatsisoq. Massakkut ineriartornikkut pissanganangaatsiartunik atugaqarpugut - illillu tamakkunani ilaasinnaavutit.

Anguniagarput

"Illit eqqortumik toqqaanissat pisariillisassavarput" - tamanna sullissinitsinni anguniagaraarput. Siunnersuinitsinni sullitatsinnut nalitunerulersitsinissaq pingaartitaraarput, sullitatta ataatsimeeqatigiinnitsinni arlaatigut pissarsiaqartutut misigisimanissaa kissaatigaarput. Aamma sullitatta aningaasaqarnerminik siunnersorneqarnerminillu paasinnilluarnissaat akisussaaffigaarput - tassunga atatillugu oqariartaatigaarput "Siunnersuut kikkulluunniit paasisinnaasaat".

Uatsinni periarfissatit paasisaqarfiginerorusuppigit?

Uunga sianerfigitigut

34 79 00

... allaffigalutaluunniit