Nuummi inuussutissarsiortunik siunnersorti

Ulluinnarni tamatigoortumik sunniuteqarfiusumik akisussaaffeqarfiusumillu suliffeqarusuppit? Ineriartorfiusumik unamminartumik sulerusuppit? Pitsaasumik eqeersimaartumillu sullisserusuppit? Angorusutatit uatsinni angukkit!

BankNordikimi qanittukkut iluatsilluartumik ineriartortitseqqammerpugut, maannalu Nuummi immikkoortortaqarfitsinni inuussutissarsiortunik siunnersortimik pissarsiorluta.

Suleqatigiinnut eqeersimaartunut ilanngunneqassaatit, ullullu tamaasa sullitavut inuussutissarsiortut pitsaanerpaamik siunnersortarusuppagut.

Makku pissavatit

Suliffik pissanganarlunilu unamminartoq. Pingaartitat uku tunngavigalugit suleriaaseqarpugut: Pikkorissoq, tunniusimasoq, eqqummaarissoq.

Ingerlatseqatigiiffimmi nunani avannarlerni inissisimalluartumi eqeersimaartumik suliffeqarlutit pisinnaasatit ineriartorterusaarnissaannut periarfissaqassaatit.

Atorfininnermut atatillugu angalanermut nutsernermullu aningaasartuutaasinnaasut malittarisassat malillugit BankNordikip akilissavai, aammalu suliffigisamut atatillugu najugaqarnermut periarfissaqassaatit. Atorfininnermit ukioq ataaseq qaangiuppat akissarsiannut ilanngullugu aapparisat meeqqallu 18-it inorlugit ukiullit peqatigalugit angalasinnaatitaassaatit. Atorfininneq sapinngisamik minnerpaamik ukiunik marlunnik sivisussuseqassaaq.

Illit pillutit

Aningaaserinermut tunngasumik ilinniarsimasuussaatit, allamilluunniit tulluuttumik ilinniagaqarlutit. Akiitsortitsinermut tunngatillugu pitsaasumik suleriaaseqarputit, aammalu sullitanngorsinnaasunik ujartuinermik aallussisuullutit.

Kiffartuusserusuttuuvutit, ammasoq, pitsaasumillu eqeersimaartumillu siunnersuisinnaallutit.

BankNordikimi inuussutissarsiortunik siunnersuisutut sullitanut suleqatinullu tikikkuminartuussaatit, susassareqatigiilluta nuannersumik suleqatigiinnitsinnut akuullutit. Namminersorlutit sulisinnaassaatit, aammalu suleqatigiuminarlutillu suleqatinnut maligassiuilluarlutit.

Qinnuteqaat

Atorfinitsitsiumalluta oqaloqatiginnillattaartarpugut, taamaammat piaarnerpaamik tusarfigerusuppatsigit. Linki una atorlugu qinnuteqassaatit.

Atorfik pillugu sukumiinerusumik paasisaqarusukkuit inuussutissarsiornermi pisortaq Thomas "Tyt" Mogensen attavigisinnaavat, tyt@banknordik.gl imaluunniit tlf. 34 79 40 / 52 38 58.

 

Banki pillugu

BankNordik aningaaserinikkut ingerlatseqatigiiffiuvoq nukittooq Kalaallit Nunaanni, Danmarkimi, Savalimmiunilu bankimik ingerlatsisoq. Massakkut ineriartornikkut pissanganangaatsiartunik atugaqarpugut - illillu tamakkunani ilaasinnaavutit.

Anguniagarput

"Illit eqqortumik toqqaanissat pisariillisassavarput" - tamanna sullissinitsinni anguniagaraarput. Siunnersuinitsinni sullitatsinnut nalitunerulersitsinissaq pingaartitaraarput, sullitatta ataatsimeeqatigiinnitsinni arlaatigut pissarsiaqartutut misigisimanissaa kissaatigaarput. Aamma sullitatta aningaasaqarnerminik siunnersorneqarnerminillu paasinnilluarnissaat akisussaaffigaarput - tassunga atatillugu oqariartaatigaarput "Siunnersuut kikkulluunniit paasisinnaasaat".