BankNordikip oqaluttuassartaa

BankNordik 1906-imi februarip 2.-ni pilersinneqarpoq, taamanilu Føroya Bankimik ateqarluni. Landmandsbanken (maanna Danske Bankiusoq) Savalimmiuni bankimik pilersitserusulerami pilersissimavaa. 1932-mi aatsaat banki unammillerteqalerpoq, Sjóvinnubankin pilersinneqarmat.

Ukiut 60-it qaangiummata 1992-imi Savalimmiuni aningaasarsiornikkut ajornartorsiortoqarmat The Financial Fundip Føroya Banki Sjóvinnubankinilu pigilerpai, taakkulu kattutsinneqarlutik Føroya Bankimik ateqalerput.
Kattutsitsinerup kingorna ajutoorsinnaanerup isumannaatsumik aqunneqarnissaa Føroya Bankip tunngaviliuppaa. Oqimaaqatigiissaakkamik aningaasartuutaasartut appasitsiutigalugit kiffartuussilluartuarnissaq pingaarnertut aallunneqalerput.

Tamatuma kinguneranik immikkoortortaqarfiit ikilisinneqarput aningaasartuutillu appariarlutik, taamaasillunilu ukioq ataaseq qaangiutiinnartoq banki iluanaaruteqarpoq, ukiorlu manna tikillugu siuariartuinnarsimalluni.

Ineriartortitsinermut pilersaarusiaq

2005-imi ineriartortitsinermut pilersaarusiaq nutaaq BankNordikimi ingerlanneqalerpoq. Bankimi pisortaqarfik immikkoortortaqarfiillu pitsanngorsarneqarlutillu pisariillisarneqarput, sulisut ataavartumik pikkorissarneqarnissaat ingerlanneqarpoq bankillu avammut kiinnertarnera nutarsarneqarluni.

Pilersaarusiap atuutilernera bankillu aningaasaqarnikkut tunngaveqarluarnera pissutaallutik peqatigiissuit ineriartoqqissinnaalerput, taamaasillutillu BankNordikip Danmarkimi Kalaallit Nunaanni, Islandimilu suliatik annertusarsinnaalerpaat. 2010-mi Sparbankip immikkoortortaqarfii aqqaneq-marluk pisiarineqarput, 2011-milu BankNordikip Amagerbankenip immikkoortortai suli ingerlalluartut ingerlatilerpai, taamaasillunilu inunnik 100.000-inik sullitartaarluni.

Periutsip allanngortinneqarnera
2016-imi BankNordik allamik periuseqalerpoq, suliamini aallussaminik allannguilluni. Islandimi sillimmasiisarfik Vørður tunineqarpoq, Danmarkimi inuussutissarsiortunik sullissineq taamaatinneqarpoq, inunnillu sullissineq kiserngorutitinneqarluni, aammalu immikkoortortaqarfinnik ikiorsiivik ataatsimut kattunneqarluni. Tamatumuunakkut niuernikkut ingerlatsineq siumut takorlooruminarnerulerpoq, Savalimmiuni pingaarnertut aallaaveqarluni, Danmarkimilu Kalaallillu Nunaanni ineriartortitsinissaq siunertaralugu ingerlatsilluni.

Taamaasillunilu ullumikkut BankNordik bankiuvoq tamatigoortumik kiffartuussisoq, Kalaallit Nunaanni, Savalimmiuni, Danmarkimilu inunnik sullissisuulluni, kiisalu Kalaallit Nunaanni Savalimmiunilu inuussutissarsiortunik sullissisuulluni. Banki børsimi Nasdaq Copenhagenimi nalunaarsorsimavoq.

Takorluukkat, anguniagaq pingaartitallu

Ingerlatseqatigiiffiup anguniagaa pingaartitaalu uani atuarsinnaavatit.

Naatsorsuutit

Ingerlatseqatigiiffimmi naatsorsuutinik nalunaarusiat ugguuna aasinnaavatit.

Uatsinni periarfissatit paasisaqarfiginerorusuppigit?

Uunga sianerfigitigut

34 79 00

... allaffigalutaluunniit