BankNordik-legati

BankNordik-legati qaffasinnerusumik ilinniagaqartunut periarfissaavoq. Legati ilinniarnerup nalaani tapiissutitut tunniunneqartarpoq ulluinnarnilu atukkannut oqilisaataasinnaalluni. Legati 25.000 kr.-inik naleqarpoq, ukiumullu marloriarluni inunnut marlunnut tunniunneqartarluni.

Piumasaqaatit

BankNordik-legatimik tigusisussanut piumasaqaatit ukuupput:

  • Atuagarsornikkut imaluunniit sulianut tunngasumik qaffasinnerusumik ilinniagaqartuussaatit, imaluunniit ilinnialertussaassaatit
  • BankNordik pingaarnertut bankerissavat
  • Taperneqarninnut atatillugu BankNordikip nittartagaani inoqatinullu attaveqaatini saqqummiussassamik allaaserinnissaatit

Kalaallit Nunaanni nunanilu allani ilinniartut legatimik qinnuteqarsinnaatitaapput, aamma sivikinnerusumik nunani allani ilinniarallarnermut akissarsiartaqanngitsumillu praktikkernermut atatillugu qinnuteqartoqarsinnaavoq.

Aningaasat tiguneqarnissaat

BankNordik-legati 25.000 kr.-inik naleqarpoq, BankNordikimilu Nemkontonnut ikineqassapput.

2019-imi upernaakkut Liv Inuk Oldenburg Lynge BankNordik-legatinnappoq

Liv apersoratsigu legatinnannini pillugu oqaluttuarpoq siunnersuutinillu tunniussilluni.

Qinnuteqaat

Legatimik qinnuteqarniaruit legat@banknordik.gl-imut allagaqarlutit qinnuteqassaatit. Qinnuteqaatit tamarmik isertuullugit suliarineqassapput.

Legatinnassagaluaruit ilinniarninnut qanoq iluaqutigissanerlugu qinnuteqaammi ilanngullugu allaaserissavat, tamanna pingaartitaraarput. Aammattaaq sooq legatinnakkumallutit qinnuteqarnersutit paaserusupparput, ilaatigut ass. aningaasat sumut atussamaarneritit.

Qinnuteqartuni piumasaqaatit naapertorlugit piukkunnartoqanngippat BankNordik legatimik tunniussinngitsoornissamut pisinnaatitaavoq.

Tulliani BankNordik-legatinnakkumalluni qinnuteqarfissaq kingulleq tassaavoq 10. marts 2020.

Uatsinni periarfissatit paasisaqarfiginerorusuppigit?

Uunga sianerfigitigut

34 79 00

... allaffigalutaluunniit