Liv Karlalu BankNordik-legatinnapput

BankNordik-legati 25.000 kr.-inik naleqartoq ukiumut marloriarluni kalaallinut qaffasinnerusumik ilinniagalinnut marlunnut tunniunneqartarpoq. Ilinniarnerup nalaani ulluinnarni aningaasaqarnikkut oqilisaatissatut tunniunneqartarpoq.

Tamatumuuna legatinnattuupput Liv Inuk Oldenburg Lynge aamma Karla Kreutzmann.

Liv Aalborg Universitetimi Development & International Relations-imi kandidatinngorniarluni ilinniartuuvoq, nunallu Issittumiittut immikkut sammisaralugit. Legati Danskit Ottawami aallartitaqarfianni praktikkernermini atorniarpaa.

Karla peqqissaasunngorniarluni ilinniarpoq, inaarutaasumillu bachelorinngorniummik allaaserinninnerminut atatillugu Danmarkimut misissuiartorluni praktikkeriartussaalluni. Karlap legatinnalluni aningaasannaani atorlugit meeqqani pingasut Danmarkimukaqataanissaannut bilitsisiniunniarpai.

”Legati atorlugu Kalaallit Nunaanni inuiaqatigiinnut tapeeqataallutalu pitsaaliueqataarusuppugut – immikkullu inuusuttut qaffasinnerusumik ilinniagaqarnissaannut kajumissaarusullugit. Tamatuma saniatigut BankNordik-legati aamma ilinniartunut ulluinnarni oqilisaatissatut takorloorparput,” René Sørensen, BankNordikimi privatkundedirektøriusoq oqarpoq.

Ukiaru legatinik agguaasseqqikkumaarpugut, qinnuteqarfissarlu kingulleq tassaavoq septembarip 24. Siornatigut qinnuteqarsimasut itigarsimasut qinnuteqaqqinnissaminnut tikilluaqqusaapput.

banknordik.gl/legat iserfigalugu paasisaqarnerullutillu qinnuteqarsinnaavutit

Uatsinni periarfissatit paasisaqarfiginerorusuppigit?

Uunga sianerfigitigut

34 79 00

... allaffigalutaluunniit