BankNordikimut ukiup affaa angusaqarluarfiusoq

BankNordikip ukiup affaani siullermi naatsorsuutit inernerisa ersersippaat ingerlatseqatigiiffissuup suliai angusaqarfiulluartut. Ingerlatsinermi angusat 142 mio. kr-iupput, siorna piffissap taamaalineranut naleqqiullugu annertuumik qaffariarlutik. Ineriartorneq pitsaasoq taanna tunuliaqutaralugu aningaaseriviup aqutsisuisa angusat ilanngaaseriikkat naatsorsuutigineqartut 175-225 mio. kr.-mit 190-240 mio. kr.-mut qaffatsippaat.

”Ukiup affaani siullermi naatsorsuutit iluarisimaarpagut, taakku ersersippaat, ingerlatseqatigiiffissuaq pitsaasumik ineriartortoq. Inerneri, taarsigassarsisitsinerup akunnattumik qaffannerannit, erniat assigiinngissutaannit kiisalu ataavartumik qaffasissusilimmik sullissanik kiffartuussinermit sunnerneqarput. Ukiup affaata siulliup ingerlanerani aamma suliniutit arlallit, sullissat misigisaannik pitsanngueqataasussat aallartissimavagut”, oqarpoq Árni Ellefsen, BankNordikimi pisortaaneq.

BankNordik sullissat ataasiakkaat pitsaanerusumik nammineq aningaasaqarnerminnik paasinninnissaannik siunnersuinissaq ersarissumik anguniarlugu sulivoq. Siunertaavoq aningaasaqarnermut pitsaasumik qinersinissap ajornannginnerulernissaa – inuit ataasiakkaat nammineq aningaasa-qarnerannut iluaqutaasumik naggataatigullu aningaaseriviup naatsor-suutaasa inerneranut. Suliaq taanna ilaatigut kinguneqarsimavoq qarasaasiakkut sullissat misigisaasa pitsaanerulernissaannik ukkataqarnerulernermik.

Nittartagaq nutaaq, periarfissat nutaat

BankNordikip juunimi nittartagaq nutaaq saqqummersippaa, taanna sullissat pisariaqartitaannik aamma inuunermi inissisimanerannik toraagaqartumik siunnersuilluni kiffartuussivoq. ”Nittartakkamik, ajornannginnerusumik aningaasaqarnermi pitsaasumik qinersinissamut sakkunik piviusunik imalimmik ineriartortitsinissaq salliutissimavarput. S.i. nittartakkamut isertoqarsinnaavoq namminerlu biilimik, umiatsiamik imaluunniit illumik pisinissamut qanoq annertutigisumik akissaqarneq naatsorsorlugu. Taassuma saniatigut nittartakkap imarisai, inuunermi pisut nalinginnaasumik inuit aningaasaqarnerannik sunniisut sammillugit katiterneqarsimapput. Ilaatigut aaneqarsinnaapput, ilinniartuugaanni, katissagaanni, ilaqutaqalerniaraanni imaluunniit illumik pisiniaraanni siunnersuutit pitsaasut,” oqarpoq Árni Ellefsen.

Nittartagaq nutaaq BankNordikip qarasaasiakkut kiffartuussineq tamakkerlugu nutaamik eqqarsarneranut ilaavoq, taassuma sullissat pitsaanerusumik aamma ullutsinnut naleqqunnerusumik qarasaasiakkut sakkunik tunissavai.

2018-imi ukiup affaanut siullermut naatsorsuutit pingaarnersiorlugit

  • Naatsorsuutit inernerat akileraarutit akilerneqannginnerini 207 mio. kr.-upput, 2017-imi taamaalinerani 112 mio. kr.-usimallutik.
  • Ingerlatsinermi angusanik appartitsineq sioqqullugu 88 mio. kr.-upput, 2017-imi taamaalinerani 93 mio. kr.-usimallutik.
  • Taarsigassarsisitsinernik appartitsinerit utertinneqartut 54 mio. kr.-upput, 2017-imi taamaalinerani 5 mio. kr.-nut naleqqiullugit.
  • Ingerlatsinermi angusat 142 mio. kr.-upput, 2017-imi taamaalinerani 98 mio. kr.-usimallutik.
  • Aningaaseriviup taarsigassarsisitsinera, 2017-imi ukiup affaa siulleq 9,4 mia. kr.-nit 9,7 mia. kr.-nut qaffassimapput.
  • Aningaaseriviup aningaaserivimmiititai 2017-imi ukiup affaa siulleq 13,5 mia. kr.-nit 13,3 mia, kr.-nut apparsimapput.
  • Akiliisinnaassuseq 18,5 %-inut qaffappoq, 2017-imi taamaalinerani 17,9 %-usimallutik.
  • Aningaaseriviup naatsorsuutigaa, 2018-imi angusanik appartitsineq, aningaasat nalinginik iluarsiinerit aamma akileraarutit sioqqullugit 160-200 mio. kr.-ussasut (H1 2018: 88 mio. kr.).
  • Ukiumut angusat ilanngaaseriikkatut naatsorsuutigineqartut 175-225 mio. kr.-nit 190-240 mio. kr.-nut qaffatsinneqarput (H1 2018: 169 mio. kr.).

 

Ikiugassaavit?

Sianerfigitigut

34 79 00

... allaffigalutaluunniit