BankNordik nittartagartaarpoq

Nittartagartaatsinnut tikilluarit! Sivisujaamik suliarivarput, sullitatsinnullu nittarsaannissaa assut qilanaarisimallugu. Nittartagaq kalaallisut qallunaatullu oqaasertaqarpoq.

Nittartakkap pingaarnertut siunertaraa sullissinitsinni illit inuunermi atukkatit suugaluarpataluunniit aningaasaqarnermut tunngatillugu siunnersuutinik ilitsersuutinillu pissaqartissallutit. Tassami tamatta uppernarsarsinnaagunarparput inuunitsinni aqqusaakkatsinni tamangajanni aningaasaqarneq arlaatigut sunniuteqangaatsiartuaannartoq, soorlu assersuutigalugu:

  • Namminerisamik initaaqqaarnermi
  • Meerartaarnermi
  • Katinnermi
  • Illusinermi

... ilami taakkartorsinnaasavut amerlagaluaqaat. Paasissutissat tamakku nassaarineqarsinnaapput qinigassami "Inuunerit"-mi, nittartakkap qulaatungaaniittumi.

Ikiugassaaguit aamma makku qinigassami "Ikiuutit"-mi nassaassaapput: apeqqutigineqarajuttut, attaviginiarutsigut paasissutissat, Netbankimut ilitsersuut, kortimik akiliutaasumik matutitsineq, allarpassuillu. Soorunami aamma siunnersortinnut attaveqarnissannut tikilluaqqusaavutit, atuisunulluunniit sullissivimmut sianerlutit, taava ikiussavatsigit. Sulisut toqqaannartumik tlf. normui e-mailiilu takuniarukkit qulaani talerpiatungaaniittoq "Uagut pilluta" tooriarlugu "Saaffiginninneq" toorukku nassaarissavatit.

Kontot assigiinngitsut, taarsigassarsiat, sillimmasiinerit, allallumi BankNordikimi periarfissaasut paasisaqarfiginerorusukkukkit qinigassaq qulaatungaaniittoq "Periarfissat" misissuataarniariuk.

Paasisassarsiorlutit isumassarsiffissarsiorniarna

Inuuninni aqqusaagassanni pingaarutilinni aningaasaqarnerup tungaatigut tapersersorusuppatsigit. Imatut eqqarsaratta: aningaasaqarnermut tunngatillugu pitsaanerpaamik toqqaasimasutut misigisimasutit toqqissisimanerusutut misigissasutit. Siunnersorlutillu isumasiueqatigerusuppatsigit toqqaaniarninni sakkussanik tuniorarlutit. Allatut oqaatigalugu tunniukkusupparput "Siunnersuut kikkulluunniit paasisinnaasaat".

Neriuppugut nittartagarput misissuataarumaarit. Aammalu inuuninni pingaarutilimmik allamik aqqusaagaqaleruit siunnersuutissarsiorlutit isumassarsiniarsaralutilluunniit uterfigeqqikkumaarit.

Atuarluarina.

Uatsinni periarfissatit paasisaqarfiginerorusuppigit?

Uunga sianerfigitigut

34 79 00

... allaffigalutaluunniit