BankNordik Kalaallit Nunaanni ukiup affaa siulleq angusaqarluarfiusoq

BankNordikip ullumikkut ukiup affaa siulleq naatsorsuutit angusaqarluarfiu-sut saqqummiuppai. Massa erniat assigiinngissutaannut sunniutit suli isertitanut unammillernaraluartut, taakku aningaaseriviup niuernermi ingerlataasa ineriartornerannit pitsaasunit nalleqatigiissinneqarput. Naatsorsuutinit iner-nerit pitsaasut saniatigut, aningaaserivik ukiup affaa siulleq suliniutinik nu-taanik aallartitsisimavoq, taakku Kalaallit Nunaanni aningaaseriviup sullis-saannut iluaqutaassapput.

 Ingerlatseqatigiiffissuup ukiup affaanut naatsorsuutaasa ersersippaat, niuerfiit aamma niuernikkut suliassaqarfiit tamakkerlutik angusaqarfiulluartut. Ingerlatsiner-mi angusat 153 mio. kr.-iupput, tamanna 8%-imik qaffariarneruvoq, 2018-imi taamaalineranut naleqqiullugu. ”Pitsaasumik ineriartorneq taanna tunuliaqutaralugu, ukioq tamakkerlugu angusat ilanngaaseriikkat naatsorsuutigineqartut 150 – 200 mio. kr.-inut qaffatsissimavagut. Qaffaaneq piviusumik aningaasaqarnikkut ineriartornermik aamma taarsigassarsisitsinermi katersivinni akiligassarsiat pitsaa-ssusaannik ersersitsivoq, taakku appartitsinermik annertuumik utertitsinermik kiguneqarsimapput,” taama oqaaseqarpoq Árni Ellefsen, BankNordikimi pisortaa-neq.

BankNordikip sullissat pitsaanerpaamik misigisaqarnissaat ingerlaavartumik sulis-sutigaat; aningaaserivimmut ornigullutik takkuttut aamma sullissat internetikkut misigisaat eqqarsaatigalugit. Tassunga atatillugu BankNordikip Apple Payimik maajimi atulersitsisimavoq, taamaalillunilu aningaaseriviup sullissai nutaamik sak-koqalersimapput, pisiniarfinni internetikkullu akiliinermik ajornannginnerulersitsisu-mik.

BankNordik Kalaallit Nunaat tamakkingajallugu saaffigineqarsinnaavoq, Nuummi immikkoortortaqarfik aallaavigalugu aamma TelePostimik suleqateqarneq aqquti-galugu. Aningaaserivimmi sullisaaneq suli ajornannginnerulersinniarlugu, BankNordik qanittukkut ataatsimiinnermut aaqqissuussinermik nutaamik saqqum-miussisimavoq, sullissat aningaaserivimmik ataatsimeeqateqarnissamut piffissamik aamma sumiiffimmik nammineq aalajangiinissaannik periarfissillugit. Tassunga ilaapput aningaaseriviup sullissanik attaveqarnermi paasiuminarnerulersitsinikkut suliai, taakku aamma ataatsimut sullissat misigisaannik pitsanngueqataassapput.

BankNordik Europæisk Investeringsfondimik juunimi suleqatigiinnissamut isu-maqatigiissuteqarpoq, taanna aningaaserivimmut suliffeqarfinnut nutaaliortunut aningaasaliinissamut piumasaqaatinik pitsaalluinnartunik neqerooruteqarnissamut InnovFin-programmi aqqutigalugu periarfissiivoq. BankNordik Savalimmiuni aam-ma Kalaallit Nunaanni niuerfinni aningaaserivinni siullersaavoq aamma maannamut kisiartaavoq, taarsigassarsianik nutaanik taamaattunik neqerooruteqarsinnaasoq, tamanna soqutiginninnermik annertuumik pilersitsisimavoq aamma suliffeqarfinnit nutaaliortunit arlalinnit saaffiginninnernik kinguneqarsimavoq.

Aningaaseriviup sullissaannut suliniutit aamma nioqqutit nutaat taakku saniatigut, BankNordikimi ukiup affaa siulleq legatimik nutaamik 150.000 kr.-inik annertussusi-limmik, ilinniakkami nutaami, Nordatlantisk Gymnasieklassemi, kalaallimut ilinniar-tumut ataatsimut tunisinissamut periarfissiisimavoq. Legati aningaaseriviup nalinginnaasumik ilinniagaqarnermut killiffimmik pitsanngorsaalluni suliaanut ilaavoq, taamaalillunilu siunissami Kalaallit Nunaanni ineriartornermut atugaris-saarnermullu tunngaviuvoq.

2019-imi ukiup affaanut siullermut naatsorsuutini pingaarnersiorlugit

  • Naatsorsuutit inernerat akileraarutit akilerneqannginnerini 151 mio. kr.-iupput, 2018-imi taamaalinerani 207 mio. kr.-iusimallutik. 2018-imi ukiup af-faa siulleq, 88 mio. kr.-inik ataasiaannarluni isertitanit sunnerneqarsimap-put, taanna annermik ingerlatseqatigiiffissuup Savalimmini siulersorneqar-fiata tunineqarneranut attuumassuteqarpoq.
  • Ingerlatsinermi angusanik appartitsineq sioqqullugu 81 mio. kr.-upput, 2018-imi taamaalinerani 88 mio. kr.-usimallutik.
  • Taarsigassarsisitsinernik appartitsinerit utertinneqartut 72 mio. kr.-upput 2018-imi taamaalinerani 54 mio. kr.-usimallutik.
  • Ingerlatsinermi angusat 153 mio. kr.-upput, siorna taamaalinerani 142 mio. kr.-usimallutik.
  • Aningaaseriviup taarsigassarsisitsinera, 2018-imi ukiup affaa siulleq 9,7 mia. kr.-nit 10,1 mia. kr.-nut qaffassimapput.
  • Aningaaseriviup aningaaserivimmiititai 2018-imi ukiup affaa siulleq 13,1 mia. kr.-nit 14,1 mia, kr.-nut qaffassimapput.
  • Akiliisinnaassuseq 19,6 %-inut qaffappoq, 2018-imi taamaalinerani 18,5 %-usimallutik.
  • Naatsorsuutinut ukioq 2019-imut, ingerlatsinermi angusat pillugit naatsor-suutigineqartut aqutsisunit aalajangiussineq atuutsiinnarneqarpoq, killif-fimmut 160-200 mio. kr.-imut appartitsineq sioqqullugu (2019-imi ukiup af-faa siulleq: 81 mio. kr.-nit).
  • Ulloq 22. juuli 2019, BankNordikip 2019-imut ukiumut angusatut ilanngaaseriikkatut naatsorsuutigineqartut, akuttussutsit nalunaarutigi-neqarsimasut 100-150 mio. kr.-init, 150-200 mio. kr.-inut qaffatsinneqarput (2019-imi ukiup affaa siulleq: 118 mio. kr.-nit) appartitsinermit utertin-neqartut kinguneranit.

Uatsinni periarfissatit paasisaqarfiginerorusuppigit?

Uunga sianerfigitigut

34 79 00

... allaffigalutaluunniit