Tusagassiuutinut nalunaarut

BankNordikimi taarsigassarsisitsineq an-nertusiartorpoq sullitallu eqeersimaarlutik

BankNordikip ukiormanna ukiup sisamararterutaani siullermi naatsorsuutit ullumi saqqummiuppai. Sullitat tungaatigut eqeersimaarneq, taarsigassarsiat annertusiartornerat kiisalu ernianit isertitaqarniarnerup ajornakusoornera tassani immikkut maluginiagassaapput. Sullitaqarnikkut eqeersimaarneq kisiat isiginiaraanni ingerlatseqatigiiffik assorsuaq angusarissaarpoq, taamaattorli aningaasartuutit annertuseriarsimanerat pissutaalluni appartitsinerit sioqqullugit inernerat 2018-imi qaammatinut kingullernut pingasunut sanilliullugu 4 mio. kr.-inik appariarsimavoq, inerneraallu 38 mio. kr.

”Ataatsimut isigalugu niuerfinni tamani pissutsit eqeersimaarfiunerat naammagisi-maarutigaarput. Ernianit isertitaqarniarneq suli ajornakusoortuarsinnarmat ilua-naaruteqarniarneq ajornakusoorpoq, taamaattorli nuannaarutigaarput taarsigas-sarsisitsinerput annertuseriarsimammat, tassanilu Kalaallit Nunaanni niuernerput aamma peqqutaaqataavoq,” Árni Ellefsen BankNordikimi pisortaaneq oqarpoq.

Imminut akilersinnaanissaa sullitallu sullinneqarluarnissaat pingaartitaralugit

BankNordikimi pisariillisaaneq ataavartumik aallunneqarpoq, tassungalu atatillugu 2018-imi suliat imminut akilersinnaalluartumik unammillersinnaasumillu pinissaat siunertaralugu ingerlatseqatigiiffimmi suliniutit assigiinngitsut aallartinneqarput. Tamatuma saniatigut bankimi sullinneqarnerup pitsanngorsarneqarnissaa sulis-sutigiuarparput.

”Sullitatta pitsaanerpaamik misigisaqarnissaat tunaartaralugu suliuarpugut - immik-koortortaqarfitsinnut ornigunnermi aammalumi digitalimik sullinneqarnermi. 2018-imi nittartagaq nutaaq saqqummiupparput, ukiormannalu sullitatsinnut atortorissaarutit inerisartuarniarpagut. Qanittukkut kaasarfimmiussanut app-i meeqqanoortoq atulersipparput, siunissamilu qanittumi aamma BankNordikimit kortit akiliissutaasut Apple Pay aqqutigalugu atorneqarsinnaalissapput. Netbankip atoruminarsarnissaa aamma suliniutigaarput, tamanna sullitatsinnit inuussutissarsiortunit ukioq naatinnagu atorneqarsinnaalissaaq, sullitalli allat 2020-p aallartin-nerani atorsinnaalissavaat,” Árni Ellefsen oqarpoq.

Ilinniartunut legatit

BankNordikip inuusuttut qaffasinnerusumik ilinniagaqartut tapersersorusuppai. Taamaammat banki ukiumut marloriarluni BankNordik-legati 25.000 kr.-inik naleqartoq ilinniartunut marlunnut tunniuttarpaa; kingullermi legatinnatsitsineq pivoq apriilip qeqqani, ilinniartut kalaallit marluk tassani legatinnapput. BankNordik-legatip saniatigut legati alla tunniunneqartarpoq, taanna ilinniakkamut nutaamut Nordatlantisk Gymnasieklassemut atatillugu tunniunneqartarpoq, katillugit 150.000 kr.-inik naleqarpoq ukiullu pingasut ingerlanerini tunniunneqartarluni. Legatit pillugit paasissutissat sukumiinerusut nittartakkami takuneqarsinnaapput.

2019-imi qaammatini siullerni pingasuni naatsorsuutit inerneri pingaarnersi-ukkat

  • Akileraarutit sioqqullugit inernerat tassaavoq 65 mio. kr., 2018-imi piffimmi tassani 148 mio. kr.-uvoq.
  • Appartitsinerit sioqqullugit ingerlatsinerup inernera 38 mio. kr.-uvoq, 2018-imi piffimmi tassani 47 mio. kr.-uvoq.
  • Taarsigassarsiarititanik appartitsinernik utertitsineq 19 mio. kr.-uvoq, 2018-imilu piffimmi tassani 31 mio. kr.-ulluni.
  • Ingerlatsinerup inernera 57 mio. kr.-uvoq, siornalu piffimmi tassani 77 mio. kr.-ulluni.
  • Bankip taarsigassarsisitsinera 2018-imi piffimmut tassunga naleqqiullugu 9,6 mia. kr.-init 10,0 mia. kr.-inut qaffariarsimavoq.
  • Bankip uninngatitai 2018-imi qaammatini siullerni pingasuni 13,1 mia. kr.-usimasut qaffariarsimapput, 2019-imilu qaammatini siullerni pingasuni 14,0 mia. kr.-ulersimallutik.
  • Akiliisinnaassusaa 2018-imi qaammatini siullerni pingasuni 18,9%-iusoq 2019-imi piffimmi tassani 19,2%-inut qaffariarsimavoq.
  • Bankip naatsorsuutigaa 2019-imi appartitsinerit, nalilinnik naleqqussaanerit akileraarutillu sioqqullugit ingerlatsinerup inernera 160-200 mio. kr.-ip nalaanissasoq (2019-imi qaammatini siullerni pingasuni: 38 mio. kr.).
  • Siornatigut nalunaarutigineqarsimavoq ilanngaatissat ilanngaatigereerlugit ukiumut inernera 100-150 mio. kr.-ip nalaaniissangatinneqartoq, maannak-kut naatsorsuutigaarput kisitsisini taakkunani annermut qaninnerussasoq (2019-imi qaammatini siullerni pingasuni: 52 mio. kr.).

Naatsorsuutinik nalunaarusiaq, børsimut nalunaarut saqqummiussinerlu Investor Relationsinut nittartakkatsinni takukkit.

Uatsinni periarfissatit paasisaqarfiginerorusuppigit?

Uunga sianerfigitigut

34 79 00

... allaffigalutaluunniit