BankNordik KontoInvest

BankNordik KontoInvest atorlugu ajornaatsumik pensionimut ileqqaakkatit pappialanut nalilinnut aningaasaliissutigisinnaavatit. Puljemut ilanngunneqassaatit, tassanilu allat peqatigalugit obligationinik aktianillu aningaasaliissallutit.

KontoInvestip iluaqutai

  • Aningaasaleeriaaseq ajornaatsoq
  • Aningaasaliissutitit nakkutigineqassapput ilisimannilluartunillu naleqqussarneqassallutik, taava aningaasaqarnikkut pissutsini illit malinnaasariaqassanngilatit
  • Iluanaarutitit aningaasaliissutigeqqinneqartassapput
  • Isumaqatigiissut ilinnut tulluarsagaavoq, nalorninaatissatut killiliussat naapertorlugu annertunerpaamik sinneqartooruteqarnissat siunertaralugu
  • Puljemut isumaqatigiissut pillugu paasissutissat allat uani takuneqarsinnaapput banknordik.kontoinvest.dk (qallunaatut allassimavoq).

Puljet assigiinngitsut sisamat

Puljet qinigassat assigiinngitsut sisamaapput, tamarmik aningaasaleeriaatsimut nalorninaatinullu tunngatillugu immikkooruteqarlutik. Illit pisariaqartitatit nalorninaatinullu tunngatillugu qanoq sapiitsiginerit aallaavigalugu puljemik toqqaassaatit.

Aningaasaliinermi aktianut obligationinullu qanoq annertutigisumik aningaasaliineq puljet assigiinngissutigaat. Piffissaq ungasinnerusoq eqqarsaatigalugu aktiatai amerlanerusimagaangata sinneqartooruteqarnerugajuttarput. Taamaattorli aktiaatitit amerlaneruppata aamma nalorninaataa annertunerussalluni.

Linkitai toorlugit puljet assigiinngitsut aningaasaleeriaasii, nalorninaataasa annertussusaat kiisalu sinneqartoorutit qanoq amerlatigisinnaanerat takukkit (Qallunaatut allassimapput).

KontoInvest 10 - aallarniutigalugu aktiatai 10%-iutinneqartarput
KontoInvest 30 - aallarniutigalugu aktiatai 30 %-iutinneqartarput
KontoInvest 55 - aallarniutigalugu aktiatai 55 %-iutinneqartarput
KontoInvest 75 - aallarniutigalugu aktiatai 75 %-iutinneqartarput

BankNordik KontoInvest qanoq ingerlanneqartarpa?

BankInvest aqqutigalugu puljet tamarmik Danmarkimi nunanilu allani aktianik obligationinillu niuerfinni aningaasaliissutigineqartarput. Aningaasaliissutinik nakkutilliisup aktiat obligationillu nalorninaateqarpianngitsututut sinneqartooruteqarluartussatullu naatsorsuutigisani toqqartassavai.

Aningaasaliinermi tamatumani aktiaatileqatigiiffinnut obligationinullu assigiinngitsorpassuarnut aningaasaliinermi aningaasaliinerup siammasinnera peqqutaalluni nalorninaataanut apparsaataasarpoq.

Puljet akornanni nikinniaruit siunnersortit saaffiginiariuk, taava illit pisariaqartitatit nalorninaatinullu tunngatillugu piumasaqaatitit naapertorlugit siunnersorneqassaatit.

BankNordik KontoInvest pillugu paasisaqarnerugit

banknordik.kontoinvest.dk-mi puljenut aaqqissuussineq pillugu sukumiinerusumik paasisaqarsinnaavutit, ileqqaakkannut tunngatillugu naatsorsuusiorsinnaavutit il. il. (Qallunaatut allassimapput).

Aningaasaliinermi atuuttuaannartut
Aningaasaliinermi siumut naatsorsuutigisat eqquutinngitsoorsinnaanerat nalorninaateqartitsiuaannarpoq. Pappialanik nalilinnik aningaasaliinermi annaasaqarsinnaaneq periarfissaajuaannarpoq, annaasaqarnerlu pissagaluarpat aningaasaliisup nammineq tamanna akisussaaffigissavaa.

Aamma atuakkit

Personlig PensionsPleje

Pensionimut ileqqaakkatit 50.000 kr.-init amerlanerusut aningaasaliissutiginiarukkit.

Pensionimut tunngasut aallartilluakkit

Soraarnerussutisiat pillugit paasissutissat tamangajammik

Immikkut aningaasaatinik isumaginninneq

5 mio. kr. sinnerlugit aningaasaliissutigisinnaasannik aningaasaateqaruit.

Aamma sianerfigisinnaavatsigut

34 79 00