Personlig FormuePleje

Personlig FormuePleje aqqutigalugu aningaasaatinnit pitsaanerpaamik pissarsiaqarnissannut periarfississavatsigit, isumagisassartaalu tamaasa uagut isumagissavagut.

Nammineq pigisannik toqqorsiveqassaatit, ineriartornera malinnaaffigiuarsinnaassavat, bankimilu aningaasaliinermik ilisimasaqarluartut aningaasaliinertaa isumagissavaat.

Personlig FormuePleje kikkunnit atorneqarsinnaava?

50.000 kr. sinnerlugit aningaasaliissutigeriaannarnik aningaasaateqaruit Personlig FormuePleje atorsinnaavat - periarfissatsialaavoq.

Personlig FormuePlejep toqqarnissaanut patsisissat tallimat

  • Aningaasaatinut pituttorsimanngitsunut selskabinullu atorneqarsinnaavoq
  • Aningaasaliissutitit nakkutigineqassapput ilisimannilluartunillu naleqqussarneqassallutik
  • Isumaqatigiissut ilinnut tulluarsagaavoq, nalorninaatissatut killiliussat naapertorlugu annertunerpaamik sinneqartooruteqarnissat siunertaralugu
  • Ileqqaakkavit qanoq ingerlanerat Netbankikkut malinnaavigisinnaavat
  • Isumaqatigiissutinnut atatillugu aningaasartuutaasut erseqqissumik takusinnaasassavatit

Personlig FormuePleje qanoq ingerlanneqartarpa?

Suleqatigiilluta illit aningaasaliinissat pilersaarusiussavarput. Pilersaarusiaq taanna aallaavigalugu aningaasaliineq pissaaq. 

Nammineq pigisannik toqqorsiveqassaatit, ineriartornera malinnaaffigiuarsinnaassavat, bankimilu aningaasaliinermik ilisimasaqarluartut aningaasaliinitit inissitsitertarlugillu nakkutigissavaat. Niuernermik pisoqaraangat nalunaarfigineqartassaatit. Aamma ukiumut sisamariarlutit sinneqartoorutigisimasatit pillugit nalunaarusiamik nassinneqartassaatit, taamaasillutillu aaqqissuussinerup qanoq sinneqartooruteqartiginera ajornaatsumik takusinnaassallugu.

Personlig FormuePleje qanoq akeqarpa?

Toqqorsivimmit toqqorsivimmullu niuernerni BankNordikimi akigititaasut atuuttarput. Tassunga ilanngullugu ukiumoortumik ingerlatsinermut nakkutilliinermullu akiliuteqartarpoq.

Akigititaasut atuuttut bankip akigititanut nalunaarsuutaani takuneqarsinnaapput. Akit aamma bankimi paasiniarneqarsinnaapput, aammalu bankiminngaanniit uppernarsaatisiani ersittassallutik.

Personlig FormuePlejemi aningaasaliinikkut sinaakkusiussat

Personlig FormuePleje aqqutigalugu aningaasaliinerit aktianut obligationinullu agguaqatigiissitsinerit assigiinngitsut tallimat aallaavigalugit ingerlanneqartarput - taakkua matricenik taaneqartarput.

Matricep iluani aktiat obligationillu aalajangersimasumik agguaqatigiissinneqartarput. Aningaasaliinermut piffissarititaasoq sivitsorneqaraangat nalorninaataaluunniit annertusaraanni aktiatai annertunerulersinneqartarput, tamanna ataani takussutissiami aamma takuneqarsinnaavoq. Matricet iluanni aktiat obligationillu agguaanneqarnerat +/- 10 procentpointinik nikingassuteqarsinnaapput.

Illit aningaasaliinissannut piffissaliussat nalorninaateqarsinnaanermullu qanoq sapiiserumatiginerit apeqqutaallutik matrice sorleq ilinnut piukkunnarnerunersoq qinissavat.

Benchmark

Personlig FormuePleje aqqutigalugu sullissinermi isumaqatigiissutit ataasiakkaarlugit bankimit malinnaavigineqartuartarput matricellu qinersimasap sinneqartoorutaanut sanillersuunneqartarlutik.

Matricenut assigiinngitsunut benchmarkit suut atuunnersut ataani takusinnaavat.

Benchmark

 

Aktiatai Matricet tamarmik MSCI World i DKK
Obligationitai Matrice 10 Nordea DK Government CM 2Y
Matrice 30, 50, 70 kiisalu 90 Nordea DK Government CM 5Y

Aningaasaliissutinik allanngortiterinerit

Angusaqarluarumalluta periaasissatut sinaakkusiussat qaangernagit aningaasaliissutit aaqqissuunneqarneranni allanngortiterillattaasarpugut.

Allanngortiterinerit sinneqartoorutit annertusarumallugit nalorninaatillu annikillisarumallugit ingerlanneqartarput.

Aamma atuakkit

BankInvest Optima

Ileqqaakkanut kontomut taarsiullugu peqatigiiffiit aningaasaliisartut atorluarneqarsinnaapput - aningaasat amerlassusaat apeqqutaatinnagu.

Personlig PensionsPleje

Pensionimut ileqqaakkatit 50.000 kr.-init amerlanerusut aningaasaliissutiginiarukkit.

Aningaasaliineq aallartilluarlugu

Aningaasaliisalerlaajuguit ikiuutissat.

Uatsinni periarfissatit paasisaqarfiginerorusuppigit?

Uunga sianerfigitigut

34 79 00

... allaffigalutaluunniit