Personlig PensionsPleje

Pensionimut ileqqaakkavit orniginartumik isumagineqarnissaannut BankNordikip Personlig PensionsPleje neqeroorutigaa. Ileqqaakkatit pappialanut nalilinnut aningaasaliissutigalugit iluaqutissatit pissarsiarissavatit, børsimilu malinnaasariaqanngilatit.

Personlig PensionsPleje aqqutigalugu nammineq pigisannik toqqorsiveqassaatit, ineriartornera malinnaaffigiuarsinnaassavat, bankimilu aningaasaliinermik ilisimasaqarluartut aningaasaliinertaa isumagissavaat.

Personlig PensionsPleje kikkunnit atorneqarsinnaava?

Personlig PensionsPleje pensionimut ileqqaagaqarusuttunut periarfissaavoq. Personlig PensionsPlejep pilersinnissaanut minnerpaamik 50.000 kr.-inik pensionimut ileqqaagaqassaatit.

Personlig PensionsPlejep toqqarnissaanut patsisissat tallimat

  • Ajornanngitsumik aningaasaliineq
  • Aningaasaliissutitit nakkutigineqassapput ilisimannilluartunillu naleqqussarneqassallutik
  • Isumaqatigiissut ilinnut tulluarsagaavoq, nalorninaatissatut killiliussat naapertorlugu annertunerpaamik sinneqartooruteqarnissat siunertaralugu
  • Ileqqaakkavit qanoq ingerlanerat Netbankikkut malinnaavigisinnaavat
  • Isumaqatigiissutinnut atatillugu aningaasartuutaasut erseqqissumik takusinnaasassavatit

Personlig PensionsPleje qanoq ingerlanneqartarpa?

Suleqatigiilluta pensionimut ileqqaakkavit aningaasaliissutiginissaannut pilersaarusiussaagut. Pilersaarusiaq taanna aallaavigalugu aningaasaliineq sinaakkusersorneqassaaq.

Sinaakkusiussat qaangernagit BankNordik toqqorsiviup ingerlannissaanut isumaginissaanullu piginnaatitaassaaq. Tassa imaappoq bankip pensionimut ileqqaakkatit kissaatigisimasatit aallaavigalugit pitsaanerpaamik angusaqarfissatut nalilikkaminut aningaasaliissutitut inissittassavai. Allatut oqaatigalugu aningaasaliinitit bankimit nakkutigineqaannavissapput.

Niueraangatta tamatigut niuersimanermut uppernarsaammik nassittassavatsigit. Pensionimut toqqortavit qanoq ingerlanerat BankNordikip malinnaavigisinnaavat. Aamma ukiumut sisamariarlutit sinneqartoorutigisimasatit pillugit nalunaarusiamik nassinneqartassaatit, taamaasillutillu aaqqissuussinerup qanoq sinneqartooruteqartiginera ajornaatsumik takusinnaassallugu.

Qaquguluunniit Personlig PensionsPleje atorunnaarsissinnaavat.

Personlig PensionsPleje qanoq akeqarpa?

Ukiumoortumik ingerlatsinermut nakkutilliinermullu akiliuteqartarpoq. Sinnerlutit niueraangatta illit pappialanik niuernermi toqqorsivimmullu aningaasartuutitai akilertassavatit - tamannalu iluatinnartutut oqaatigisinnaavarput, Personlig PensionsPlejemi niuernermi aningaasartuutit allanut naleqqiullugit annikinnerusarmat.

Personlig PensionsPlejemi aningaasaliinikkut sinaakkusiussat

Personlig PensionsPleje aqqutigalugu aningaasaliinerit agguaqatigiissitsinerit assigiinngitsut tallimat aallaavigalugit ingerlanneqartarput - taakkua matricenik taaneqartarput.

Matricep iluani aktiat obligationillu aalajangersimasumik agguaqatigiissinneqartarput. Aningaasaliinermut piffissarititaasoq sivitsorneqaraangat nalorninaataaluunniit annertusaraanni aktiatai annertunerulersinneqartarput. Matricet iluanni aktiat obligationillu agguaanneqarnerat +/- 10 procentpointinik nikingassuteqarsinnaapput.

Illit aningaasaliinissannut piffissaliussat nalorninaateqarsinnaanermullu qanoq sapiiserumatiginerit apeqqutaallutik matrice sorleq ilinnut piukkunnarnerunersoq qinissavat.

Benchmark

Personlig PensionsPleje aqqutigalugu sullissinermi isumaqatigiissutit ataasiakkaarlugit bankimit malinnaavigineqartuartarput matricellu qinersimasap sinneqartoorutaanut sanillersuunneqartarlutik.

Matricenut assigiinngitsunut benchmarkit suut atuunnersut ataani takusinnaavat.

Benchmark

 

Aktiatai Matricet tamarmik MSCI World i DKK
Obligationitai Matrice 10 Nordea DK Government CM 2Y
Matrice 30, 50, 70 kiisalu 90 Nordea DK Government CM 5Y


Allanngortiterinerit

Angusaqarluarumalluta periaasissatut sinaakkusiussat qaangernagit aningaasaliissutit aaqqissuunneqarneranni allanngortiterillattaasarpugut.

Allanngortiterinerit sinneqartoorutit annertusarumallugit nalorninaatillu annikillisarumallugit ingerlanneqartarput.

 

Aamma atuakkit

Personlig FormuePleje

Aningaasaatinnit 50.000 kr. sinnerlugit aningaasaliissutiginiarukkit

BankNordik KontoInvest

Pensionimut ileqqaakkanik aningaasaliineq

Aallartilluarneq

Soraarnerussutisiat pillugit paasissutissat tamangajammik

Aamma sianerfigisinnaavatsigut

34 79 00