Mobilimi Dankort

BankNordikimit korteqaruit smartphonit atorlugu akiliisinnaavutit. App'i My Wallet downloaderiarlugu Dankortit Mastercardilluunniit app'imi nalunaarsussavat.

Android telefoneqaruit Dankort, Visa/Dankort Mastercardilu My Walletimi atorsinnaassavatit. iPhonimi Dankort atorsinnaassavat - kortit allat 2018-imi ukialerpat atorneqarsinnaalernissaat naatsorsuutigineqarpoq.

Korti allanngunngilaq - pitsaaneruliinnarpoq

My Wallet atorukku kortit suli iluarnerulissaaq, ulluinnarnilu suli annerusumik oqilisaataassalluni.

Assersuutigalugu kortit qimattoorsimagukku angerlarlutit aasariaarutissavat. My Wallet atorukku kortit mobilinniissaaq, atorniaraangakkulu kode nammineq qinikkat inussavilluunniit ipaasai attuullugit ammartassavat. Pisiniarfinni My Walletimik atuisuusuni ajornaatsumik isumannaatsumillu akiliisinnaassaatit - kortimik akiliisarnertut.

Mobilikkut korteqalerneq ajornanngilaq

Smartphoneqaruit mobilit atorlugu kortimik akiliisinnaanngoriaavutit. Imaaliuinnassaatit:

  • App'nik aallertarfinni "My Wallet Bank" ujaruk
  • Bankerisat qinereerukku app'imi kortit nalunaarsussavat. App'i siullermeerlutit atulerukku taamaallaat taamaaliussaatit.
  • Isissutissamik illit kisivit nalunngisannik toqqaagit. Taava piariissaatit.

Pisiniarfimmi My Wallet atorlugu akiliineq ajornanngilaq. iPhoneqaruit Bluetooth, Androideqaruillu NFC kiisalu meddelelser ikumatissavatit, taavalu mobilit kortimik akiliisarfiup nalaanut pisillugu. 350 kr. sinnerlugit akiliissaguit isissutissatut toqqakkat mobilinni toortassavat, imaluunniit inussat attuullugu. 350 kr. ataappagu  isissutissaq toortartariaqassanngilat - korti attuutsinnagu akiliisarnertulli.

My Wallet pillugu isiginnaagassiami uani paasisaqarnerusinnaavutit. Malugiuk videomi oqaatigineqarmat 200 kr.-ip tungaanut akiliinermi kode toortartariaqanngitsoq, taanna qaffanneqarnikuuvoq, maanna 350 kr. tungaanut akiliinermi kode toortartariaqarneq ajorpoq.

Sooq mobilinni korteqalissaanga?

Kortivit mobilikkut atorsinnaalernissaanut peqqutissat marluupput. Isumannaappoq ajornaallunilu.

Isumannanngilaq

2015-imi Dankort attuutsinnagu akiliissutaasartoq saqqummermat pinkode uukapaatitsisartunut pissarsiariuminaannerulerpoq - 350 kr. ataallugit akiliinermi pinkode atorneq ajormat. Mobilit atorlugu kortimik akiliinermi tamanna aamma atuuppoq.

Tassunga ilanngullugu inussavit ipaasai kodeluunniit toortaqqaarlugu korti mobilinnik atorsinnaassavat, taamaasillunilu assersuutigalugu kaasarfinnit tiguinnarlugu atornerlunneqarsinnaanani.

Ajornanngilaq

Eqqumagaangatta piffissap 95 %-iata tungaanut mobilerput tigummilluguluunniit kaasarfimmiorisarparput. Taamaammat korti mobiltelefonerlu ataatsimut kattunneri pissusissamisoorpoq, kortit tigusariaaneruleqqullugu.

Aamma kortit arlallit ataatsimoortissinnaagakkit pisiniapallakkaangavit aningaasivik eqqaamaniartariaarutissavat nassartariaarullugulu.

Aamma takukkit

Kortit pillugit siunnersuutit

Kortinnut ikiuutit

Maalaarutit

Korti sianigalugu

Kortitaarniarpit?

Uunga sianerfigitigut

34 79 00

... allaffigalutaluunniit