Korti attuutsinnagu akiliineq

Attuutsinnagu akiliutaasinnaasumik korteqaruit kortit akiliisarfiup terminalip nalaanut pisiinnarlugu 350 kr. tungaanut akiliisinnaassaatit. 350 kr. sinnerlugit akiliiniaraangavit korti terminalimut ikkuttariaqanngilaq, nalaanut pisiinnassavat kingornalu pinkode toortarlugu.

Attuutsinnagu akiliissutaasinnaapput Dankort, Visa/Dankort, kiisalu Mastercard.

Ajornanngilaq, isumannanngilaq, sukkallunilu

Kortivit chipitaani isumannaatsumik nassiussisinnaasoqarpoq, taamaammallu attuutsinnagu akiliissutaasinnaavoq. Kortit taakku suli maannamut nunarsuarmi isumannaannerpaat ilagaat. Isumannaallisaanerlu pissutaalluni ilaannikkut kortit terminalimut ikkuteqqusassavaat, pinkodelu toortaqqullugu.

Kortit tammarsimappat, inuullu allap atornerlullugu attuutsinnagu akiliissutigalugu, taava akiliinerit taakku akisussaaffigissanngilatit. Taamatullu pisoqaraluarpat ilinnut nammineq taarsigassartaqassanngillat. Korti attuunnagu akiliisimanitit Netbankikkut takusinnaavatit. Attuunnagu akiliinerit imatut ilisarnaateqarput ))).

Attuunnagu akiliineq imaattarpoq

  • 350 kr. ataallugit akiliinermi: korti terminalip nalaanut pisiguk
  • 350 kr. sinnerlugit akiliinermi: taamaaleriarlutit pinkode toortassavat
  • Terminalimi OK nuippat akiliineq naammassisimassaaq, allagartaalu pisinnaassavat
  • Korti Kalaallit Nunaanni atorneqarsinnaavoq, Visa/Dankortimik Mastercardimilluunniit korteqaruit aamma nunani allani atorsinnaassavat.

Attuunnagu akiliissutaasartumik kortitaarit

Massakkut korterisat pisoqalippat nutaamik attuunnagu akiliissutaasumik taarserneqartussaavoq. Taarserneqarnissaanut utaqqerusunngikkuit saaffigisinnaavatsigut telefon 34 79 00-imut e-mailikkulluunniit nuuk@banknordik.gl-imut. Kortit pisoqalisinnagu kortissannik inniminniiniaruit bankip nalinginnaasumik akigititai atuutissapput. Akigititaasut nalunaarsorsimaffianni takukkit.

Kortit attuunnagu atorneqarsinnaanersoq nalornissutigigukku ilisarnaat ))) ujaannassavat, kortip saavani allassimasussaavoq. Kortit 2015-imi septemberip 1.-ata kingorna tunniunneqartut tamarmik attuunnagu atorneqarsinnaapput.

Aamma takukkit

Kortinut ikiuutit

Kortit pillugit siunnersuutit

Korti sorleq uannut tulluarnerussava?

Aaqqissuuteriikkat

Nordik360 aqqutigalugu kortit akikinnerupput

Kortitaarniarpit?

Uunga sianerfigitigut

34 79 00

... allaffigalutaluunniit