Nordik360

Nordik360 atulerukku iluanaarutissatit amerlaqaat, erniat iluatinnartut, akiliutit ikinnerusut kiffartuussinerillu akeqanngitsut - katersatillu amerlaneruppata iluaqutissat amerlanerussapput

Aningaaserivimmi atugarisatit tamaasa uatsinniitilerlugit Nordik360 atulerukku iluanaarutissatit sipaagassatillu taakkartorsinnaavavut.

Iluanaarutit tamaasa pissarsiarikkit

Nordik360-imut ilanngunneq ajornanngilaq, iluanaarutitaalu ingerlaannaq atuutilissapput. Nordik360 atorukku aamma aalajangersimasumik siunnersorteqassaatit, aningaasaqarninni sutigut tamatigut siunnersortissannik.

Nordik360-eqaruit iluanaarutit uku ilaajuaannarput:

  • Netbank akeqanngitsoq
  • Netbankikkut nuussinerit straks- og sammedagsoverførsler akeqanngitsut
  • Netbankikkut FI/Giro-mik akiliinerit akeqanngitsut
  • Mastercard Debit Standard akeqanngitsoq
  • BankNordikip tigusisarfiini akeqanngitsumik tigusineq (Tamanna Mastercard kreditimut  atuutinngilaq)
  • Kontoqarnermut akiliuteqanngilaq
  • Misigisassanut hotelinullu arlalinnut akikilliliivigineqarneq

 Nordik360-eqalerniaruit akissarsianut konto Netbankilu BankNordikimiitissavatit.

Iluanaarutissat assigiinngitsut

Nordik360

  • Kontot aalajangersimasut erniagissut
  • Visa/Dankort nammineq ilusilersugaq 50 %-imik akikinnerusoq
  • Danmarkimi BankNordikip tigusisarfiini euronik tigusineq 25 %-imik akikinnerusoq
  • Bankimi niuerutigisavit annertussusaa minnerpaamik 100.000 kr.-ussaaq

Nordik360+

  • Kontonut aalajangersimasunut erniat assut iluatinnartut
  • Visa/Dankort akeqanngitsoq - aamma nammineq ilusilersorniarukku
  • Mastercard Standard imlt. Mastercard Gold 50 %-imik akikinnerusoq
  • Danmarkimi BankNordikip tigusisarfiini euronik tigusineq 50 %-imik akikinnerusoq
  • Aningaasanik tigusisarfinni allani koruuninik tigusinermi 50%-imik akilliliivigineqassaatit (Mastercard kreditimut atuutinngilaq)
  • Bankimi niuerutigisavit annertussusaa minnerpaamik 400.000 kr.-ussaaq

Nordik360PREMIUM

  • Kontonut aalajangersimasunut erniat iluatinnarnerpaat
  • Visa/Dankort akeqanngitsoq - aamma nammineq ilusilersorniarukku
  • Mastercard Standard akeqanngitsoq
  • Mastercard Gold 75 %-imik akikinnerusoq
  • Mastercard Platinum 50 %-imik akikinneruvoq
  • Danmarkimi BankNordikip tigusisarfiini euronik tigusineq 75 %-imik akikinnerusoq
  • Aningaasanik tigusisarfinni allani koruuninik tigusinermi 75%-imik akilliliivigineqassaatit (Mastercard kreditimut atuutinngilaq)
  • Atuagassiaq Pengenyt
  • Bankimi niuerutigisavit annertussusaa minnerpaamik 1000.000 kr.-ussaaq

Peqatigiilluta aningaasaqarnerit misissortigu

Nordik360-imi iluaqutissat tamaasa pissarsiarikkit

Ataatsimiinnissamik inniminniigit

Aningaaserivimmut attaveqarneq imlt. niuerutigisap annertussusaa sunaana?

Aningaaserivimmut attaveqarneq aamma niuerutigisap annertussusaanik taaneqartarpoq. Uani sullitanut siunnersortitta Thomasip tamanna nassuiarpaa.

Apeqqutit akissutaalu

Nordik360

Nordik360 qanorpiaruna iluaqutissartaqartoq?

Sullitat iluanaarutinut pilersaarummi Nordik360-imiittut tamarmik makku iluatigisinnaavaat:

  • Periarfissat aalajangersimasut erniakinnerupput
  • Akeqanngitsumik Netbank
  • Akeqanngitsumik Netbankimi FI/giro-mik akiliineq
  • Akeqanngitsumik MasterCard Standard aamma Visa/Dankort
  • Akeqanngitsumik BankNordikip tigusisarfiini tigusineq
  • Akeqanngitsumik allamiut aningaasaannut paarlaassineq

Nordik360+ kiisalu Nordik360Premium allarpassuarnik aamma iluaqutissartaqarput.

Nordik360-imut nuukkuma qanoq sipaartigissaanga?

Ilinnut qanorpiaq sunniuteqarnissaa erseqqissumik oqaatigiumallugu ataatsimeeqatigisariaqassavatsigit. Aningaasaqarnernut tunngasut tamaasa oqaloqatigiissutigissavagut, bankimi atukkatit ilanngullugit. Taakku aallaavigalugit naatsorsuilluta qanorpiaq sipaagaqartigisinnaanersutit oqaatigisinnaassavarput.

Nordik360-imi akit atuuttut sumi takusinnaavakka?

Nordik360-imi akit, periarfissat iluaqutissallu tamarmik bankip akigititanut nalunaarsuiffiani atuuttumi takuneqarsinnaapput. Nordik360 pingasunik immikkoortortaqarpoq, taakku immikkut paasissutissartai nalunaarsuiffimmi allassimapput.

Niuernikkut sammisama katinnerat qanoq naatsorsorneqartarpa?

Niuernikkut sammisavit naatsorsorneqarneranni ilanngunneqartarput uninngasuutitit, taarsigassarsiatit aningaasallu atukkat, toqqorsivinni naligititat kiisalu BankNordik aqqutigalugu realkreditinik akiitsuit sinnerisa pingajorarterutaata nalinga. Taakku katinnerisa nalingat niuernikkut sammisanik taaneqartarpoq.

Sullitatut akiitsorsinnaanera qanoq nalilerneqartarpa?

Akiitsorsinnaanermik naliliineq paasissutissat assigiinngitsut aallaavigalugit suliarineqartarpoq, isiginiarneqartut ilagaat isertitat, pisuussutit, akiitsut, atuinerlu.

Piumaguma isumaqatigiissut taamaatiinnarsinnaavara?

Qaquguluunniit iluanaarutinut pilersaarummik isumaqatigiissuteqarnerit taamaateqqusinnaavat, siumoorlutit nalunaaqqaartariaqanngilatit. Taamaatikkukku BankNordikimi nalinginnaasumik akigititaasut atugarilissavatit, taakku akigititanut nalunaarsuiffitsinni atuuttumi takusinnaavatit.

Ilissi isumaqatigiissuteqarnerput unitsissinnaavisiuk?

Isumaqatigiissut qaammatini 12-ni atuuttarpoq, arlaannillu nalunaarfigineqarsimanngikkuit januaarip 1.-ni nutarsarneqartarluni. Iluanaarutinut pilersaarut nutarsarneqanngippat atorunnaassaaq, taava iluaqutissartai piunnaarlugit BankNordikip nalinginnaasumik akigititai atugarilissavatit.

Suna peqqutigalugu isumaqatigiissuterput unitsissinnaavisiuk?

BankNordikip qaammatinik pingasunik sioqqutsilluni nalunaarluni iluanaarutinut pilersaarut atorunnaarsissinnaavaa. Bankimi niuernerit allanngorsimappat, illilluunniit ilaquttatillu nalilerneqarnersi allanngorsimappat BankNordikip qaammatit marluk iluanni isumaqatigiissut atorunnaarsissinnaavaa. Isumaqatigiissutip iluani pisussaaffitit sumiginnarukkit BankNordikip nalunaaqqaarani iluanaarutinut pilersaarut atorunnaarsissinnaavaa. Atorunnaarpat BankNordikip nalinginnaasumik akigititai atugarilissavatit, taakku akigititanut nalunaarsuiffitsinni atuuttumi takuneqarsinnaapput.

Nordik360-imi ilaanianngikkuma erniat akillu massakkut atukkakka atuinnarsinnaavakka?

Akigititanut nalunaarsuiffimmi atuuttumi allassimasut malillugit atugaqartinneqassaatit.

Nordik360-inngoruma qanoq erniaqartinneqassaanga?

Iluanaarutinut pilersaarutip Nordik360-ip iluani immikkoortut assigiinngitsut pingasuupput, taakkunani sorleq atornerit apeqqutaalluni atugaqartinneqassaatit. Erniat bankip akigititanut nalunaarsuiffiani atuuttumi allassimapput, uanilu atuarneqarsinnaallutik.

Ilaquttakka ilaatinngikkaluarlugit uanga Nordik360-imut ilanngussinnaavunga?

Iluanaarutinut pilersaarut inunnut ataasiakkaanit ilaqutariiaanillu atorneqarsinnaavoq. Soorunami kisimiillutit aamma ilanngussinnaavutit. Nuliat/uiit/inooqatit/ilaquttatit aamma ilannguppata niuernikkut sammisassi katinnerat aallaavigalugu iluanaarutinut pilersaarummi inissisimatinneqassaasi, tassanilu ilaquttatit tamarmik assigiimmik atugaqartinneqassapput.

Itisiliinerit allat

Illusiniarpit?

Siunnersorlutillu ikiorsinnaavatsigit

Soraarnermusiat

Ileqqaakkatit aallartiaarukkit pissaqarnerussaatit

Inuunermut sillimmasiineq

Ajortoqarataarnissaanut sillimmatissat - ilinnut ilaquttannullu

Aningaasaliineq

Aningaasaatitit amerlisakkit

Aningaasaqarnerit misissussavarput?

Uunga sianerit

34 79 00

... allaffigalutaluunniit