NemID

Netbankimut isileraangavit NemID atortartussaavat. NemID-mik qangali pisimanngikkuit Netbankimik piniaruit pisaassaatit.

NemID aamma sullissivik.gl-imut isilernermi atorneqartarpoq, BankNordikimi atorneqartarneratulli. Taamaasillutit isileraangavit ilisarnaat ataaseq isissutissarlu ataaseq eqqaamagukkit naammappoq.

NemID atorniaraangakku nøglekort nøgleapp-iluunniit atortassavat

NemID atorlugu iserniaraangavit kinaaninnik ilisarnaatitut toqqarsimasat allassavat, isissutissaq qinersimasat toortassavat kiisalu matuersaat toortassallugu.

Matuersaat toortagassaq nøglekortimi nøgleapp-imiluunniit nassaassaavoq. Nøglekort allakkatigut tigussavat, NemID nøgleapp smartphonemut tabletimulluunniit aasinnaavat. Periarfissat taakku tamarmik isumannaassutsimikkut naligiipput.

Nøgleapp atorukku nøglekorteqanngikkaluarlutit smartphonekkut tabletikkulluunniit NemID atorsinnaassavat. Assersuutigalugu Netbankinni akiliinissat akueriniarukku nøgleapp atorlugu akueriniarlugu toqqaasinnaavutit, taava nøgleapp aqqutigalugu qanoq iliornissannik nalunaarfigineqassaatit. Swiperlutit app-imi akuerseqquneqassaatit.

Nøgleapp ukunani aaneqarsinnaavoq App Store kiisalu Google Play.

NemID nøgleapp ima atorneqassaaq

NemID nøgleapp-ip atornissaanut atulersinnissaanullu ilitsersuut isiginnaagassiami uani takusinnaavat.

NemID sukkulluunniit atorsinnaavat

NemID qarasaasiani, tabletini smartphonenilu tamani atorneqarsinnaavoq. Eqqaamaannassavatit kinaaninnut ilisarnaatit, isissutissat, kiisalu nøglekortiluunniit nøgleapp-iluunniit.

NemID-p atornerani isumannaallisaanikkut isissutissat arlallit atorneqartarput - illit nammineq isissutissat kiisalu nøglekortimit nøgle-app-imilluunniit toortagassaq - taamaammallu isumannaallisaanikkut aaqqissuunneqarnera isumannaatsorujussuulluni.

Nøglekortinni toortagassat tamaasa atoreeraangakkit nøglekortimik nutaamik nassinneqartassaatit. Nøgleapp-imi toortagassat nungunneq ajorput.

Nøglekortimut taartissatut qarasaasiakkut toortagassanik nuisitsisartumik (nøgleviserimik) pissarsisinnaavutit, tassani tuugassaq toorlugu kode nuisinneqartarpoq.

Aamma takukkit

Netbankimi isumannaallisaaneq

Netbankimut ikiuut

Mobilbank

Netbank atorluarlugu

Netbankimi Mobilbankimiluunniit ikiugassaavit?

Uunga sianerfigitigut

34 79 00

... allaffigalutaluunniit