Netbankimi isumannaallisaaneq

Netbankimi isumannaallisaaneq BankNordikip pingaartitaraa. Paasissutissat nassiunneqartut tamarmik kryptererneqartarput, nuussiniaraannilu tamatigut elektroniskimik atsiornissaq NemID-lu piumasaqaataasarlutik. Tillinniartoqarnissaa pinaveersaartinniarlugu Netbank aaqqissuuttuartarparput, aamma soorunami Finanstilsynetip piumasaqaatai malittuaannarpagut.

Netbankimi tillinniarneq

Qujanartumik qaqutigorujorujussuaq aatsaat netbankimi tillinniartoqartarpoq. Tassunga atatillugu soorunami pinaveersaartitsinikkut eqqumajuarnissaq pingaaruteqarpoq, taamaammallu BankNordikimi pissutsini malinnaalluartuaannarpugut.

NemID isumannaallisaanerup ilagaa

NemID bankit tamarmik pisortallu ingerlataqarfiisa tamarmik isumannaallisaanikkut atugarivaat. NemID-mi atuisutut ilisarnaatit, nøglekortit isissutigisartakkallu netbankimi pisortatigullu nittartakkani tamani isumannaallisaatitut isumalluutigivat. Taamaammat isissutissat isertuulluassavat, aammalu ilinnut eqqaamajuminartumik allanulli eqqoriaruminaatsumik kodeqarnissat pingaaruteqarluni.

Atuisutut ilisarnaat, nøglekort assigisaaluunniit pillugu apeqqutissaqaruit nutaamilluunniit isissutissaqalerniaruit NemID-mut attaveqassaatit,

Netbank ima isumannaatsumik atorneqassaaq

Netbankimi atuisutut Netbankimi isumannaannerusumik atueriaaseqarsinnaavutit, taamaasillutillu virusinit akornusersorneqarnissat annertuumik pinaveersaartissinnaallugu, makku malikkigit:

  • Nammineerluni nutarsarneqartartumik ikumajuaannartumillu antivirusprogrameqartarit
  • Softwaremut isumannaallisaanikkut nutarsaanerit malinnaaffigalugit atortakkit
  • Qarasaasiami immikkut firewalleqarit
  • Nassiussisoq tatiginanngikkaangat mailini linkit kakkiussalluunniit ammartassanngilatit toornagilluunniit
  • Akulikitsumik kontotit alakkartakkit. Arlaatigut ippigisaqaraangavit BankNordikimut attaveqartarit.
  • Qarasaasianni viruseqarnissaa pasitsaakkukku: Qarasaasiat iluarsiteqqaarlugu aatsaat Netbankimut iseqqissaatit

www.opdaterdinpc.dk-mut iserlutit qarasaasianni programmit naleqquttumik nutarsarneqarsimanersut paasiniarsinnaavat.

Windows XP-qartunut

Ulloq 8. april 2014 Microsoftip Windows XP-mut isumannaallisaanikkut nutarsaanissaq kingulleq saqqummiuppaat. Tassa imaappoq Windows XP-mi isumannaallisaanikkut sanngiiffiit maanna Microsoftimit aaqqissoqqinneqarneq ajorput. Taamaammat Windows XP-mik qarasaasiaqartut viruseqalernissaat ilimanarnerusutut oqaatigineqarsinnaavoq. Taamaammat Windows XP-nit viruseqartunit Netbankimut tillinniartoqarnissaanut navianaat aamma annertunerussaaq.

Innersuussutigaarput Java nutaanerpaaq pissarsiarissagit, taanna isumannaallisaanikkut sanngiiffiit ilaannik matoorisarmat. Isumannaallisaaneq pissutigalugu tamatigut innersuussutigisarparput atuisut Windows XP-qartut styresystemimut nutaanerusumut nuunnissaat.

Illit qarasaasianni Windows-styresystem sorleq atornerlugu ugguuna paasiniarsinnaavat.

Aamma takukkit

Netbank

Netbankimut ikiuutit

Mobilbank

Nordik360-eqaruit Netbank akikinnerussaaq