Nuummi immikkoortortaqarfitsinnut finansmedarbejderissarsiorpugut
Suliffeqarfitsinni naligiiaarluta aaqqissuussaavugut, suleqatigiittullu eqeersimaartuulluta. Suleqatigiit 20-t missaanniippugut. Tamatta eqeersimaarluta akuusarpugut – aamma inuttut peqatigiinnerni – suliffimmilu qiimasuuneq ulluinnarsiutigaarput.
Suliffik pillugu
Finansmedarbejderitut sulileruit ulluinnarni pissanganartumik suliffeqassaatit, sunniuteqaqataallutillu akisussaaffeqarlutit. Sullitanik kiffartuussisunut ilaassaatit, immikkoortortaqarfimmi siunnersortit qanimut suleqatigalugit.
Suliffik tamatigoortuuvoq annertuumik akisussaaffeqarfiusoq, tassanilu aamma isumassarsilluaraangavit piviusunngortinnissaannut periarfissaqarluartassaatit. Aammattaaq pikkorissartuarnissamut ilinniaqqinnissamullu periarfissaqarluartassaatit.
Suliassatit ilaatigut ukuussapput:
- telefonikkut saaffiginnittarfimmilu sullitanik ilassinninneq siunnersuinerlu
- sullitat saaffiginninnerinik suliarinninneq, taarsigassarsinissamik qinnuteqarnerit ilanngullugit
- naqissusiinermut nalunaarsuinermullu tunngasunik kiisalu isumannaallisaanermut tunngasunik suliarinninneq
- immikkoortortaqarfiup suliassaani allani peqataaneq
Illit pillutit
Sulisussamik imaattumik pissarsiorpugut:
- aningaaserivimmi assingusumiluunniit sulinermik misilittagalimmik
- torersumik, suaqqanut eqqummaarissumik pitsaasumillu suleriaaseqartumik
- pappialarsornermik inulerinermillu suliaqarnissamik nuannarisalimmik
- inuttut saaffigiuminartumik suleqatinullu ilakkuminartumik nuannersaaqataasartumik
- sullitanik kiffartuussillaqqissumik
Qinnuteqarneq
Ilinnut orniginarpaluppa? Qinnuteqaatit ataavartumik ingerlappagut, qinnuteqartoqaraangat oqaloqatiginninnerit ingerlattarlugit. Qinnuteqarnissat qilanaaraarput.
Ugguuna qinnuteqarit
Atorfik pillugu paasisaqarnerorusukkuit Sara Trolle Nedergaardimut, teamlederiusumut, attaveqarnissannut tikilluaqqusaavutit: stn@banknordik.gl eller tlf. +299 34 79 37.
