Darwin
Aningaasaleeriaaseq nutaaq pissanganartorlu Darwin atorlugu nammineq aningaasaliineq ingerlatissavat, akikitsumik ajornaatsumillu. Aningaasanik katerserusukkuit, imaluunniit kontomi uninngatiinnarnagit erniaginnerusumik perusukkukkit, taava Darwin ilinnut piukkunnassaaq.
Smartphoneqaruit aningaasaliissutissatillu minnerpaamik 1.000 kr.-iuppata aallartittariaavutit.
Darwin naatsumik ilisaritillugu
- Darwin aningaasaatinut pituttorsimanngitsunut atugassiaavoq
- Konto toqqorsivillu uatsinniissapput
- Aningaasaliissutit minnerpaamik 1.000 kr.-iussapput, qaammatikkaartumillu ikisinermi minnerpaamik 500 kr.-iussalluni
- Aningaasaliissutit annerpaaffissaqanngillat
- Darwin siunnersortitaqanngitsumik ingerlanneqartarpoq
- iPhonini Androidinilu atorneqarsinnaavoq
Darwin qanoq atorneqartarpa?
App-i aareerukku tassuuna aningaasaliinerit ingerlatissavat - isumaqatigiissusiorneq, aningaasaleeriaatsimik toqqaaneq, kiisalu aningaasaliissuteqarnerit tigusinerillu.
App-imi aningaasaliissutit periarfissat assigiinngitsut sisamaapput, aktianillu obligationinillu imaqarlutik. Periarfissat aarlerinaataat iluanaaruteqarsinnaanerallu nikerarput, taamaasillutillu illit aningaasaleeriaatsinnut tulluarsarneqarsinnaallutik.
- Lav – aktiataasa procentinngorneri 15 %
- Moderat – aktiataasa procentinngorneri 35 %
- Middel – aktiataasa procentinngorneri 60 %
- Høj – aktiataasa procentinngorneri 80 %
Darwin atorlugu aningaasaliineq qanoq akeqarpa?
Darwin atorlugu aningaasaliineq akeqanngilaq. Aningaasaliissutigisimasatit tiguniarukkit tigusinermi akiliutaasartoq 10 kr.-iuvoq.
Tassunga ilanngullugu aningaasaliinermi aningaasartuutitat 0,75%-ip 0,95%-illu akornanniipput. Darwinip iluani aningaasaliissutitit qanoq amerlatigineri apeqqutaallutik akii aalajangiunneqassapput.
Uatsinni periarfissatit paasisaqarfiginerorusuppigit?
Uunga sianerfigitigut