NordikUng

13-init 17-inut ukioqaruit namminerlu kontoqalerusullutit Mastercarditalimmik, taava NordikUng ilinnut piukkunnarpoq. NordikUng-konto pitsaasunik erniaqarpoq akeqanngitsunillu periarfissartaqarluni.

• NordikUng konto qaquguluunniit aningaasanik tigusiffiullunilu ikisiffiusinnaasoq
• Mastercard Debit Standard pisiniarfinni internetimilu akiliutaasinnaasoq
• Netbank Ung bankimi isumagisassatit qaqugukkulluunniit isumagisinnaallugit

Konto ataaseq - atuinermut ileqqaakkanullu

NordikUng-kontoqaruit kaasarfimmiutit, apersortikkavit aningaasannaatit sunngiffimmiluunniit suliffigisannit akissarsiatit kontomut ikisinnaavatit. Pituttorsimanngitsumik erniagissaartumik kontoqartinneqassaatit - pituttorsimanngitsoq isumaqarpoq qaquguluunniit ikisiffiusinnaallunilu tigusiffiusinnaasoq. Taamaammat ulluinnarni aningaasartuutinut atorsinnaavat, aammali aningaasanik katersiniaruit ileqqaakkanut piukkunnarluni, soorlu angalanissamut, mobilimut, qarasaasiamut allamulluunniit pisiariniakkannut atugassanut.

NordikUng-kontomut korti

NordikUng-kontoqaruit Mastercard Debit Standardimik korteqarsinnaavutit. Korti pisiniarfinni, neriniartarfinni internetimilu pisisarfinni tamangajanni atorneqarsinnaavoq. Korti atortarukku aningaasanik kaasarfimmioqarpiartariaqassanngilatit, kortilu una atorlugu kontomiittuutitit sinnerlugit atuisinnaanngilatit - minusersinnaanngilatit.

Mastercard ugguuna paasisaqarfiginerusinnaavat

Netbank Ung malinnaagit

Netbank Ung aqqutigalugu qaquguluunniit bankimi isumagisassatit isumagisinnaavatit. Kontonni uninngasuutitit tassuuna takusinnaavatit, aammalu nammineq kontorisavit akornanni nuussisinnaallutit. Netbank Ung qarasaasiakkut tabletikkulluunniit atorsinnaavat, aamma Mobilbank smartphonekkut atorsinnaavat. NordikUng-imi atuisuuguit Netbank Ung akeqassanngilaq.