PensionsPleje
Pensionimut ileqqaakkavit orniginartumik isumagineqarnissaannut BankNordikip Personlig PensionsPleje neqeroorutigaa. Ileqqaakkatit pappialanut nalilinnut aningaasaliissutigalugit iluaqutissatit pissarsiarissavatit, børsimilu malinnaasariaqanngilatit.
PensionsPleje aqqutigalugu nammineq pigisannik toqqorsiveqassaatit, ineriartornera malinnaaffigiuarsinnaassavat, bankimilu aningaasaliinermik ilisimasaqarluartut aningaasaliinertaa isumagissavaat.
PensionsPleje kikkunnit atorneqarsinnaava?
PensionsPleje pensionimut ileqqaagaqarusuttunut periarfissaavoq. PensionsPlejep pilersinnissaanut minnerpaamik 10.000 kr.-inik pensionimut ileqqaagaqassaatit.
PensionsPlejep toqqarnissaanut patsisissat tallimat
- Ajornanngitsumik aningaasaliineq
- Aningaasaliissutitit nakkutigineqassapput ilisimannilluartunillu naleqqussarneqassallutik
- Isumaqatigiissut ilinnut tulluarsagaavoq, nalorninaatissatut killiliussat naapertorlugu annertunerpaamik sinneqartooruteqarnissat siunertaralugu
- Ileqqaakkavit qanoq ingerlanerat Netbankikkut malinnaavigisinnaavat
- Isumaqatigiissutinnut atatillugu aningaasartuutaasut erseqqissumik takusinnaasassavatit
PensionsPleje qanoq ingerlanneqartarpa?
Suleqatigiilluta pensionimut ileqqaakkavit aningaasaliissutiginissaannut pilersaarusiussaagut. Pilersaarusiaq taanna aallaavigalugu aningaasaliineq sinaakkusersorneqassaaq.
Sinaakkusiussat qaangernagit BankNordik toqqorsiviup ingerlannissaanut isumaginissaanullu piginnaatitaassaaq. Tassa imaappoq bankip pensionimut ileqqaakkatit kissaatigisimasatit aallaavigalugit pitsaanerpaamik angusaqarfissatut nalilikkaminut aningaasaliissutitut inissittassavai. Allatut oqaatigalugu aningaasaliinitit bankimit nakkutigineqaannavissapput.
Niueraangatta tamatigut niuersimanermut uppernarsaammik nassittassavatsigit. Pensionimut toqqortavit qanoq ingerlanerat BankNordikip malinnaavigisinnaavat. Aamma ukiumut sisamariarlutit sinneqartoorutigisimasatit pillugit nalunaarusiamik nassinneqartassaatit, taamaasillutillu aaqqissuussinerup qanoq sinneqartooruteqartiginera ajornaatsumik takusinnaassallugu.
Qaquguluunniit PensionsPleje atorunnaarsissinnaavat.
PensionsPleje qanoq akeqarpa?
Ukiumoortumik ingerlatsinermut nakkutilliinermullu akiliuteqartarpoq. Akiliutitaa Akigititanut nalunaarsuutini takusinnaavat.
Benchmark
Benchmark tassaavoq aningaasaliinerpit nalilersornissaanut sanillersuussinermut aallaavissaq bankimit aalajangerneqarsimasoq.
PensionsPleje aqqutigalugu sullissinermi aningaasaliissutit sinneqartoorutaat bankimit malinnaavigineqartuartarput matricellu qinersimasap niuerfimmi sinneqartoorutaanut sanillersuunneqartarlutik.
Matricet sinneqartoorutaat niuerfimmi sinneqartoorutigineqartumut sanillersuukkaanni aningaasaliisimaneq niuerfimminut naleqqiullugu qanoq iluatsilluarsimatiginersoq takuneqarsinnaavoq.
Matricenut assigiinngitsunut benchmarkit suut atuunnersut ataani takusinnaavat.
Benchmark
| Aktiatai | Matricet tamarmik | MSCI World i DKK |
| Obligationitai | Matrice tamarmik | Nordea DK Government CM 5Y |
Allanngortiterinerit
Angusaqarluarumalluta periaasissatut sinaakkusiussat qaangernagit aningaasaliissutit aaqqissuunneqarneranni allanngortiterillattaasarpugut.
Allanngortiterinerit sinneqartoorutit annertusarumallugit nalorninaatillu annikillisarumallugit ingerlanneqartarput.
Soraarninngoruit qanoq inoorusuppit?
Ilinnut piukkunnarnerpaamik aaqqissuussilata