Fitbit Pay
Fitbit Pay tassaavoq Fitbitimik nalunaaqutaaraqaruit akileeriaaseq atorsinnaasat. Fitbit Pay nalunaaqutaaqqannut atuutilersiguk – taava angalaaraangavit aningaasiviit telefonillu angerlarsimaffinnut qimaannarsinnaavatit.
Fitbit Pay atorniarukku BankNordikimit Visa/Dankortimik Mastercardimilluunniit korteqassaatit, kiisalu Fitbitiminngaanneersumik Fitbit Pay-eqarsinnaasumik nalunaaqutaaraqassallutit.
App-inik aallertarfiit aqqutigalugu Fitbit App-i smartphonennut aaguk, Visa/Dankortillu Mastercardilluunniit app-imi atuutilersillugu – taava pisiniarfinni akiliissutigisinnaalissavat. Pisiniarfinni korti attuunnagu akiliiffiusinnaasuni tamani Fitbit Pay atorlugu akiliisinnaavutit.
Fitbit Pay naatsumik ilisaritillugu
- Akiliineq ajornaatsoq, isumannaatsoq, digitaliusorlu
- Visa/Dankortit Mastercardilluunniit tassunga atuutilersissinnaavat
- Pisiniarfinni attuutsitsinani akiliiffiusinnaasuni akiliissutigisinnaavat
Fitbit Pay atorlugu ima akiliissaatit
Fitbit Pay tassaavoq nalunaaqutaaqqat Fitbit atorlugit akileeriaaseq pisiniarfinni atorneqarsinnaasoq ajornaatsoq.Fitbit Pay atorniarukku nalunaaqutaaqqap saneraani toortagaq tooruk imaluunniit skærmi qulaaniit ammut swiperlugu (nalunaaqutaaraq sorliunersoq apeqqutaavoq), taava nalunaaqutaaraq pisiniarfiup akiliisarfiani terminalip eqqaanut pisiinnassavat.
Tamaani akiliisinnaavutit
Pisiniarfinni imaattumik ilisarnaatilinni tamani Fitbit Pay atorsinnaavat:Fitbit Pay atorlugu akiliineq isumannaappoq
Fitbit Pay atorlugu akiliigaangavit illit kortit immikkut ittumik normoqartinneqassaaq akiliinerlu nuussinermut tunngasumik immikkut ittumik normoqartinneqassalluni. Kortivit normua tamakkiisumik nalunaaqutaaqqanni Fitbitilluunniit serveriutaani toqqorneqanngisaannassaaq, pisiffigisannullu tunniunneqarnaviarani.Apeqqutigineqarajuttut
Fitbit Pay
FitBit Pay nalunaaqutaaqqani sorlerni atorsinnaava?
FitBit nalunaaqutaaqqanik FitBit Pay-imik akiliissutaasinnaasunik nutaanik saqqummersitsiuartarput. Oktobarip 1.-ni 2019-imi nalunaaqutaaqqut uku atorneqarsinnaapput:
- Fitbit Ionic
- Fitbit Versa 2
- Fitbit Charge 3 (NFC-chipitallit kisimik)
- Fitbit Versa (NFC-chipitallit kisimik)
FitBit Pay nalunaaqutaaqqani allani FitBitiminngaanniinngitsuni atorsinnaavara?
Naamik, FitBitimik FitBit Pay-eqarsinnaasumik nalunaaqutaaraqaruit taamaallaat FitBit Pay atorsinnaavat.
Aapparalu nalunaaqutaaraq FitBit marluupparput, tamatta immikkut kortigut FitBit Payimut ilanngussinnaavagut?
Naamik, FitBit Pay inummut ataatsimut atasussaavoq, piginnittunit arlalinnit atorneqartussaanngilaq.
Qitornama nalunaaqutaaraani FitBitimi kortiga FitBit Payimut ilanngussinnaavara?
Naamik. Illit kortit illit pigivat, kortip piumasaqaataani allassimasut malillugit korti kortilluunniit paasissutissartai inummut allamut atorteqqusaanngilatit.
Kortit sorliit FitBit Payimi atorsinnaavakka?
Kortit Mastercard, Visa, kiisalu Visa/Dankorteqaruit Visa-kortitaa atorsinnaavat.
FitBit Pay atorlugu sumi akiliisinnaavunga?
Pisiniarfinni korti attuutsinnagu akiliiffiusinnaasuni tamani. Korti attuunnagu akiliinermut ilisarnaat imaluunniit FitBit Pay-ip ilisarnaataa maluginiaruk.
FitBit Pay atorniarukku suut pisariaqartippakka?
Uku pisariaqartippatit:
- nalunaaqutaaraq Fitbit atorneqarsinnaasoq
- smartphone Fitbit-appilik
- korti Mastercard, Visa kort, imaluunniit Visa/Dankort aningaaserivimmit Fitbit Pay-imik atuisinnaatitsisumeersoq
Internetikkut akiliigaangama FitBit Pay atorsinnaavara?
Naamik, FitBit Pay pisiniarfinni korti attuutsinnagu akiliisarfiusuni taamaallaat akiliissutaasinnaavoq.
FitBit-appi suliffimma telefonianiippat FitBit Pay atorsinnaavara?
Aap, telefoni suliffinnut uterteqqilerukku FitBit-appip peeqqinnissaa eqqaamaannassavat.
FitBit telefonimi Windowsiusumi atorsinnaavara?
Aap
Akileeriaaseq qanoq isumannaatsigiva?
Isumannaatsorujussuuvoq. FitBit Pay immikkut ittumik isumannaappoq nalunaaqutaaqqami korti pillugu paasissutissanik toqqorsineq ajorami, taamaammallu nalunaaqutaaqqap terminalillu akornanni korti pillugu paasissutissanik tunniussisoqartarani. Taamaasilluni kortip normua atornerluiniartunit tassuuna pissarsiarineqarsinnaanngilaq.
Tamatuma saniatigut paasissutissat paasiuminarsarneqartarput kryptering atorlugu.
Taamaakkaluartoq korti atornerlunneqassagaluarpat kortimik nalinginnaasumik atornerluisoqarsimatillugu taarsiivigineqarnissamut pissutsit atuuttut tamatumuuna aamma atuupput.
Nalunaaqutaaraq atigaangakku peeraangakkulu malugisarpaa. Nalunaaqutaaraq atereerlugu siullermik akiliisussanngoraangavit kode toortaqqaartartussaavat. Taava nalunaaqutaaqqap peernissaata tungaanut kode toortaqqittariaqassanngilat. Peersimatillugu FitBit Pay atorneqarsinnaassanngilaq.
Mobili FitBit-appitalik nalunaaqutaararluunniit annaassagukku ingerlaannaq attavigissavatsigut, taava FitBit Pay-imi kortitit matussavagut.
Paasissutissat inniminartut suut FitBit Payimi nalunaarsorneqartarpat?
Kortinut akiliutinut atugassarititaasut FitBitillu paasissutissanik inniminartunik qanoq passussisarnera FitBit Pay-imi takusinnaavatit.
FitBit Pay-iga inummit allamit atornerlunneqassagaluarpat nammineq taarsigassara qanoq annertutigiva qanorlu pisinnaatitaaffeqarpunga?
Attavigitigut.
FitBit Pay-imut nutaamik pinkodetaartinneqassaanga?
Nalunaaqutaaqqap atulernissaanut kodessat nammineq toqqassavat. FitBit-appimi nalunaaqutaaqqap inissititerneri iluarsaakkukkit kodeliussaatit.
Akileeriaatsit digitaliusut tamakku atornerlunneqarnissaat qanoq pinngitsoortissinnaavara?
Kortitit nammineq pigaatit allanillu atorneqartussaanatik. Taamatuttaaq nalunaaqutaaqqap kodea allanut tunniuttussaanngilat.
Taavami mobilera nalunaaqutaararaluunniit tigoqqissagukkit qanoq iliussaanga?
Attavigitigut, taava qanoq iliussanerluta isumaqatigiissaagut. FitBit Pay-imi kortivit qanoq inissisimanerat apeqqutaavoq.
FitBit Pay atorlugu akiliileruma korti sorleq atorniarnerlugu qanoq toqqassavara?
Korti atorusutatut qinersimasat erseqqissagaassaaq. FitBit Pay-imi kortitit arlaqarpata akiliileraangavit sorleq atorniarnerlugu aalajangersinnaassavat.
Akileeriaaseq taanna atoraangakku kodessara nammineerlunga toqqarsinnaavara?
Aap, kortit FitBit Pay-imut atulersinnialerukku FitBit-appimi kodessat toqqassavat.
Akileeriaatsit digitaliusut atukkakka suunersut arlaanni ataatsimut takusinnaavakka?
Aap, kortit sorliit piginerlugit FitBit-imi takusinnaavatit, aamma mobilbankinni ersipput.
Kortit qanoq amerlatigisut FitBit Pay-imi atorsinnaavakka?
Kortit amerlanerpaamik arfiniliusinnaapput.
Kortiga FitBit Pay-imut ilanngunniarsarigaluarakku itigartitaagama.
FitBit Pay bankerisanni atorneqarsinnaanersoq qulakkiissavat.
Bankerisanni FitBit Pay atorneqarsinnaagaluartoq iluatsinneq ajulerukku sullitanut kiffartuussiviannut attaveqarina, taava ikiussavaatsit.
Kortiga FitBit Pay-imut ilanngussinnaanngilara, qanoq iliussaanga?
Attavigitigut, taava ikiussavatsigit.
MFitbit-app-imi korti takusinnaanngilara?
Aningaaseriviit attavigiuk.
Imaassinnaavoq internetimut attaveqannginnerit peqqutaasoq.
Korti FitBitimut ilannguteqqammerukku, sulilu nuisimanani, taava ilanngunniarnera iluatsinngitsoorsimassaaq. Misileeqqikkina.
Qanoq ilillunga korti FitBit Pay-imit peersinnaavara?
FitBit Pay-appimi peersinnaavat.
Kortikka FitBit Pay-imit peerukkit qanoq pisoqassava?
Kortit digitaliusut tamaasa atorunnaarsissimassavatit, atuleqqinniarukkit taava FitBit Pay-imut ilannguteqqittariaqassavatit. FitBit-appi atorlugu tamanna pissaaq.
Kortit ilannguteqqinniarneri iluatsinneq ajulerukkit aningaaserivigisat attavigiuk.
Kortikka FitBit Pay-imi peernikuuakka, qanoq kortit taakku atuleqqissinnaavakka?
FitBit Pay-imut ilannguteqqissavatit. FitBit Pay-appi aqqutigalugu ilanngutissavatit.
Kortit ilannguteqqinneq ajulissagukkit attaviginiaritigut.
FitBitimi kortiga matutikkusuppara, kisianni kortiviga plastikkiusoq matutinnagu, qanoq iliussaanga?
FitBit-appimi kortitit peerukkit tassani kortit matuneqassaaq, kortillu nalinginnaasoq matuneqarnani. Aamma mobilbank aqqutigalugu kortit digitaliusut matutissinnaavatit. Imaluunniit aningaaseriviup attavigineratigut.
FitBit Pay-imi kortiga matuneqarsimavoq, kortiviga kisiat matutinniaraluarakku.
FitBit-appimi kortitit peerukkit tassani kortit matuneqassaaq, kortillu nalinginnaasoq matuneqarnani. Aamma mobilbank aqqutigalugu kortit digitaliusut matutissinnaavatit. Imaluunniit aningaaseriviup attavigineratigut.
Kortiga plastikkiusoq matuneqarsimavoq, sooruna FitBit Pay-imi kortiga atorsinnaanngikkiga?
Kortit digitaliusoq kortinnut plastikkimut attuumassuteqarpoq. Kortiviit plastikkiusoq atorneqarsinnaanngippat digitaliusut aamma atorneqarsinnaassanngillat.
Attavigitigut, taava ajornartorsiutit iluarsiniarsarissavarput.
Smartphonetaarama, qanoq ilillunga kortikka telefonitaannut nuussavakka?
FitBit-appi smartphonemut nutaamut atulersikkukku kortitit nammineerlutik aamma tassunga nuunneqarumaarput.
FitBit Pay-imi kortiga matuneqarsimavoq, sooruna?
Kortit digitaliusoq matuneqarsimavoq. Attavigitigut.
Korti aalajangersimasoq arlaat FitBit Pay-imiittoq matutinniarukku qanoq iliussaanga?
FitBit-appimi korti piissavat, aamma mobilbankikkut taamaaliorsinnaavutit. Imaluunniit attavigaluta.
FitBit Pay-iga kortitaalu tamaasa matutinniarpakka, qanoq iliussaanga?
Attavigitigut, taava kortitit tamaasa matussavagut.
Mobilit nalunaaqutaaqqalluunniit tillinneqarsimappata attavigipallassavatsigut.
Mobilera tammarpat tillinneqarpalluunniit qanoq iliussaanga?
Korti nalinginnaasoq tammaraluarpat iliuusissat assigaa: Attavigitigut kortilu matutillugu.
Kodemut taarsiullugu inussama ipaasai atorsinnaavakka?
Naamik, nalunaaqutaaqqani FitBitini inussat ipaasai atorneqarsinnaanngillat.
Terminali akiliisarfik internetimut attaveqanngippat (offline) FitBit Pay atorlugu akiliisinnaavunga?
Aap, terminali offlineqqagaluarpat korti attuutsinnagu akiliisarnittut aamma FitBit Pay atorlugu akiliisinnaavutit.
Kortinnik akiliisinnaanngilanga
Kortip qanoq inissisimanera mobilbankimi takuuk.
Iluatsinngikkukku attavigitigut.
Akiliigama nalunaaqutaaqqanni FitBitimi akiliisimasutut allaqqavunga, kisianni terminalimi akiliinngitsoortutut allaqqallunga. Ilumut akiliisimanerlunga qanoq paasisinnaavara?
Terminali akiliinermi aalajangiisuujuaannarpoq. Iluatsissimanersoq nalorniguit terminali takuuk, imaluunniit akiliinermut uppernarsaat.
Kortimik akiliisimagaangama kortip normuata kisitsisitaasa ilaat uppernarsaammi allaqqasarput. FitBitimik akiliigaangama normu alla allaqqasarpoq, sooruna?
Isumannaallisaaneq pissutaalluni kortit taakku assigiinngitsunik normoqartinneqarput. Kisitsisit akiliinermut uppernarsaammiittut tassaapput kortiutivit digitaliusup normuisa ilai.
FitBit-ip akiliineq iluatsinngitsoorsimanerarpagu qanoq iliussaanga?
Terminalimi allassimasoq nuisoq takuuk. Akiliineq iluatsissimanngitsutut allassimappat misileeqqigit.
Mobili attaveqanngippat akiliisinnaavunga?
Aap, FitBit atorlugu akiliinermi mobilip attaveqarnissaa wifi-mulluunniit attaveqarnissaq pisariaqanngilaq.
FitBit Pay atorlugu aningaasanik tigusisarfimmi tigusisinnaavunga?
Naamik
Kalaallit Nunaata avataani FitBit Pay atorlugu akiliisinnaavunga?
Aap, akiliisarfinni korti attuunnagu akiliisarfiusuni tamani atorneqarsinnaavoq, aamma nunani allani.
FitBit Pay ammatinngikkaluarlugu akiliissutigisinnaavara?
Aap, kisianni nalunaaqutaaqqap skærmia ikumasussaavoq.
Akiliigaangama tamatigut kode atortartussaavara?
Naamik. Nalunaaqutaaraq atereeraangakku akiliinermi siullermi taamaallaat kode atortussaavat.
350 kr. sinnerlugu ataalluguluunniit akiliiguma akileeriaatsit assigiinngillat?
Naamik
Pisiniarfinni akileeriaaseq una atoraanni teknologi suna atorneqartarpa?
FitBit Pay NFC teknologi atorlugu ingerlavoq. Kortit attuunnagit akiliinerni aamma teknologi taanna atorneqarpoq.
FitBit Pay-imik akiliinermi atuinermut killiliussaqarpa?
Akiliinermut killiliussat kortinnut nalinginnaasumut atuuttut aamma tassunga atuupput. Malugiuk Visa/Dankorteqaruit Visa-kortimut atasortaa ulluni tulleriinni 30-ni annerpaamik 25.000 kr.-inik atuiffiusinnaammat.
Akiliineq FitBit Pay atorlugu pisimappat kontoma inissititernerini qanoq takusinnaavara?
Takusinnaanngilat. FitBit Pay atorlugu akiliineq kortimik akiliinertut allatulli allaqqaannassaaq.
FitBit Pay atorlugu akiliisimanikka arlaatigut takusinnaavakka?
Aap, FitBit Pay atorlugu akiliisimanitit kingulliit qulit FitBit-appimi takuneqarsinnaapput.
FitBit Pay atorlugu akiliisimaguma kontonni inissititerinerni ingerlaannaq takusinnaassavara?
FitBit Pay atorlugu akiliineq nunani allani akiliinertut naatsorsorneqartarpoq, taamaammat ullualuit qaangiutereerpata aatsaat takusinnaassavat, soorlu aamma kortit nunani allani atorsimagaangakku taamaattartoq.