Avataanit pisinermi akiliisitsiniarneq
Avataanit pisinermi akiliisitsiniarneq atorlugu akiliiniaruit, eqqussileruit pappialartaasa aanerini akiliisinnaassaatit, tassa imaappoq nioqqutit nassiunneqareerpata. Siumoortumik akileereerneq taamaasillutit avaqqutissavat. Nunani tamalaani akiliisitsiniarnermi malittarisassat malillugit akileeqqaarlutit imaluunniit bankimit akiitsukkanut uppernarsaammik peqqaarlutit aatsaat pappialartai BankNordikimit tigusinnaavatit.
Iluaqutai
Avataanit pisinermi akiliisitsiniarneq nioqqutinik eqqussuinermi assigiinngitsutigut iluaqutissartaqarpoq
- Akiliineq aatsaat pissaaq bankimi uppernarsaatit takoreerukkit suliffeqarfiutillu akuersereerpat
- Pappialat uppernarsaatit qanoq piumasaqaatitaqarnissaannut aalajangiisinnaatitaassaasi
Ima aaqqissuunneqartarpoq
Tunisisup pisisussallu isumaqatigeereerneratigut tunisisup akiliisitsiniarneq atorlugu aaqqissuussineq pilersittarpaa. Tunisisup nioqqutit nassiutereerunigit isumaqatigiissutigineqartut aallaavigalugit uppernarsaatitai bankiminut tunniutissavai, bankerisaaniillu BankNordikimut ingerlateqqinneqassapput. Illit eqqussisuusutit akiliiguit akiitsornissamulluunniit akuersiguit uppernarsaatit tigussavatit.
Illit, eqqussisuusutit, uppernarsaatit suut pisariaqartinnerlugit eqqumaffigisariaqarpat.
Nalorninartortai
Nunani tamalaani akiliisitsiniarnermut malittarisassat malillugit uppernarsaatit eqqortuunissaat piviusumillu imaqarnissaat BankNordikip akisussaaffiginngilaa. Nioqqutit tigutinnagit akiliineq pisarmat nioqqutit arlaatigut ilimagisannut naapertuutinnginnissaat peratarsinnaavoq. Taamaattoqassagaluarpat tunisisup pisisullu immini isumagisassarissavaat.