Nunat killingi qaangerlugit akiliineq

Nunanit allanit niueqateqartaruit soorunami aamma nunat akornanni aningaasanik nuussinissaq pisariaqartissavat.

Akileeriaaseq pitsaanerusoq qineruk

Akileeriaatsimik toqqaanermi niueqatigisamik qanoq ilisimannitsigineq apeqqutaagajuttarpoq. Immissinnut ilisimalluarlusilu tatigeqatigiilluarussi nunanut allanut nuussineq atorsinnaavarsi, tamanna aamma taaneqartarpoq Clean Payments. Akileeriaatsit allat aamma periarfissaapput, taakku tamarmik pappialarsornertaqartuupput isumannaannerullutillu, soorlu assersuutigalugu akiliisitsiniarneq, qulakkeereqatigiinneq imaluunniit qularnaveeqqusiineq - qallunaatut taaguutigaat inkasso, remburs kiisalu garanti.