Inuiaqatigiinni akisussaaqataaneq/CSR

CSR-imut atatillugu inuiaqatigiinni suliniutitta niueqatigiinnermut ajunngitsumik sunniuteqarnissaat BankNordikimi pingaartitaraarput, tamanna bankip tunngaviusumik suliaanut periusaanullu tulluartuummat.  Eqeersimaartumik akisussaassusilimmillu bankeqarnissaq pingaarnertut akisussaaffigalugulu suliassaraarput, tamannalu aallaavigalugu CSR ingerlapparput.

Suliffeqarfissuatsinni piginneqataasunut pingaarnernut ataavartumik naleqarnerulersitsiniarnitsinni CSR pissusissamisoortutut isigaarput. Taamaammat inuiaqatigiinni niuerfigisatsinni pissutsit aporfiusinnaasullu malinnaavigalugillu suliniuteqarfigaavut.

BankNordikimi CSR-imut atatillugu sammisavut immikkoortut pingasuupput:

Sullitat

Ullutsinni pissutsit nutarsarneqaraluttuinnarput, inuiaqatigiillu akuuffigut assigiinngisitaarlutillu allanngorartuarput. BankNordikimi sullitatta qitiutittuarnissaat sulissutigaarput. Akisussaassuseqarneq tatigeqatigiinnerlu tunngaviliullugit sullitat ataavartumik kiffartuukkusuppagut, tamanna sullitatsinnut uatsinnullu naleqarnerulersitsissammat.
Niuernikkut ingerlatsinitsinni sullissilluarnissarput aalajangiisuummat CSR-imik suliaqarnitsinni sullitavut soorunami pingaaruteqarput.

Sulisut

Sulisitsisuulluni pikkorissunik eqeersimaartunillu sulisoqartuarnissaq nutaanillu ornigarneqarnissaq pingaaruteqarluinnarpoq. BankNordikimi sulisutta aningaasarsiornikkut naleqarnerulersitsiviusumik ingerlatsineq pikkoriffigalugulu piumassuseqarfigisariaqarpaat. Taamaattumik suliffeqarfiup iluani sulisut atugarissaarnissaat pikkorissarnissamullu periarfissaqartarnissaat sulissutigiuarparput.
Nalunngilarput suliffiup iluani avataanilu inuuneq imminnut akulerutsinnagit oqimaaqatigiissumik ingerlanneqartussaasut. Aamma nalunngilarput peqatigiissuit BankNordik siunissami aningaaserinerup silarsuaani ingerlalluassappata sulisut atugarissaarlutillu peqqissuunissaat pingaaruteqarluinnartoq.

Inuiaqatigiit

Ukiut 100 sinnerlugit BankNordik ingerlatsinikuuvoq, inuiaqatigiinnilu akuunissaq pingaartittuaannarparput. Inuiaqatigiinni isumaginninnikkut, kulturikkut aningaasaqarnikkullu ineriartorneq tapiiffigiuarsimavarput. Suliffeqarfitta Nunanut Avannarlernut allanut siammariartornerani inuiaqatigiinni najuuffigisatsinni tamani pisuni assigiinngitsuni, timersoqatigiiffinni, kulturikkullu aaqqissuussinerni tapersersuisarnissarput aallutaraarput.

FN-ip nunarsuarmi anguniagai

Immikkut sammisat qulaani allassimasut pingasut aallaavigalugit BankNordikip FN-ip piujuartitsisumik ineriartortitsinissaq pillugu nunarsuarmut anguniagai 17-it tapersersorpai. Ukiuni kingullerni nunarsuarmi oqartussaasut, inuussutissarsiortut, peqatigiiffiillu allat FN-ip nunarsuarmut anguniagaanik tapersersuisut amerliartuinnarsimapput. BankNordik aamma suliniummut tamatumunnga tapersersueqataarusuppoq, siunissaq pitsaanersusoq piujuartitsisorlu anguniarlugu. BankNordikimi uagut suliaqarfipput aallaavigalugu nunarsuarmut anguniakkat 17-iusut sammisimavagut, aalajangersimavugullu anguniakkat tallimat immikkut aallutariniarlugit:

  • Ilinniartitaaneq pitsaassusilik (nr. 4)
  • Suiaassutsit naligiissitaanerat (nr. 5)
  • Suliffiit naapertuuttut aningaasarsiornikkullu siuariartorneq (nr. 8)
  • Inoqarfiit piujuartitsiffiusut (nr. 11)
  • Silap pissusia suliniuteqarfigalugu (nr. 13)

 

Isumaqarpugut suliniutivut pikkoriffigullu atorlugit anguniakkat uku tallimat immikkut aallutarigutsigit nunarsuarmut anguniakkat pitsaanerpaamik suliniuteqarfigissallugit. BankNordikip inuiaqatigiinni akisussaaqataaneq pillugu 2019-imi nalunaarusiaani bankip nunarsuarmut anguniakkat aallaavigalugit suliniuteqarnera sukumiinerusumik paasisaqarfigisinnaavat.

Sullitat

Sullissilluarneq niuernikkut ingerlatsinitsinni aalajangiisuummat CSR-imik suliaqarnitsinni sullitavut pingaaruteqarput.

Sulisut

Sulisuvut ingerlatsinitsinnik naleqartitsisuupput, taamaammat atugarissaarnissaat pingaartitaraarput.

Inuiaqatigiit

Inuiaqatigiinni najuuffigisatsinni timersornikkut piorsarsimassutsikkut allatigullu pisut assigiinngitsut tapersersorusuppavut.

Nalunaarutit

BankNordikimi piginneqataasunut pingaarnernut ataavartumik naleqarnerulersitsiniarnitsinni inuiaqatigiinni akisussaaqataaneq pissusissamisoortutut isigaarput.

Uatsinni periarfissatit paasisaqarfiginerorusuppigit?

Uunga sianerfigitigut

34 79 00

... allaffigalutaluunniit