Suliffeqarfik ineriartortoq

Suliffeqarfiutit ineriartortikkusukkukku qanoq iliornikkut ineriartornissamut periarfissat annerunersut misissoqqaartariaqassavatit. Nunagisap iluani ineriartornissamut periarfissaqarluarpa, imaluunniit nunanut allanut ingerlaqqittariaqassavit? Tunisassiat sullissinerilluunniit inerisaqqaagassaappat, imaluunniit tunniussinnaasavit saniatigut allanik tunniussisinnaalernissat pisariaqassava?

Ineriartornermut pilersaarusiaq

Periarfissat annertunerusumik angusaqarfiusinnaasutut isikkoqartut annikinnerusumik angusaqarfissaarpasissunit orniginarnerusinnaasarput. Imaassinnaavorli nalorninaatitaa aningaasaliinissartaalu eqqarsaatigigaanni annaasinnaasat annertuallaartut - taamaammallu ineriartuutaasinnaanera annertugaluarluni piffissartornarlunilu aningaasartuutaavallaarsinnaasoq.

Ineriartornissamut periarfissat aningaasartuutaavallaartussaanatillu pisariinnerusut taamaammat piukkunnarnerusinnaapput. Soorunami illit suliffeqarfiutivit suunera niuerfillu akuuffigisat apeqqutaaqataassapput, taamaammat aalajangerniarnermi tamakku aamma eqqarsaatigisariaqassapput.

Avammut nioqqutissiorneq

Suliffeqarfiit ineriartorumalluni avammut nioqqutissiulertussanngorpat niuerfik nioqqutissiorfissat ilisimalertariaqassavat, aammalu nunani tamalaani niuerneq ilisimasaqarfigisariaqassallugu.

Missingersuusiaq ineriartortitsinermullu pilersaarusiaq

Suliffeqarfiup ineriartortinnissaanut qanoq suliaqarniarnerlutit aalajangereeruit missingersuusiorlutillu pilersaarusiorluarnissat pingaaruteqarpoq. Ineriartornissaq eqqarsaatigalugu siunissaq qaninnerusoq ungasinnerusorlu eqqarsaatigalugit pilersaarusioruit aamma iluaqutigilluarsinnaavat.

  • Siunissaq qaninnerusoq eqqarsaatigalugu pilersaarusiamiissinnaapput ineriartortitsiniarninni anguniakkat siuariarnissallu qaammatit arfinillit iluanni angorusutatit
  • Siunissaq ungasinnerusoq eqqarsaatigalugu pilersaarusiap imarissavaa ineriartortitsillutit angorusutatit tamakkiisumik isigineqarnerat

Allaffissornikkut suliassat

Suliffeqarfik mikippat suliassat annikikkaluit initusinnaapput. Suliffeqarfimmik mikisumik ingerlatsisuuguit imaassinnaavoq ulluinnarni ingerlatsinermi pingaarutilinnik allaffissornikkut suliassaararpassuaqartartutit. Taamaappat ineriartortitsiniarnermut piffissaqarniarneq ajornakusoorsinnaavoq.

Taama inissisimaguit allaffissornikkut suliassanik suliarinnittussamik sulisussarsinissaq iluaqutaasinnaavoq - immaqa sivikitsuinnarmik, taamaasillutit suliffeqarfiup ineriartortinnissaa aallulluarnerusinnaassavat.

Ineriartortitsinermut siunnersuutit

  • Suliffeqarfiup aningaasaqarnikkut piareersimanissaa qulakkeeruk. Ass. ineriartorniaraanni akiliisinnaassuseqarnissaq pisariaqarpoq
  • Attavissatit atorluakkit. Assingusumik aqqusaagaqarsimasut oqaloqatigikkit
  • Ineriartornerup ingerlanissaa pilersaarusiorluaruk - tassunga ilanngullugit tunisassiorneq, tuniniaaneq, nittarsaassineq aningaasaliinerlu
  • Ineriartuutaasinnaasut piffissaqarfigalugit samminissaat pingaartiguk
  • Suleqatit anguniagaq tunaartaralugu piumassuseqarlutillu sapiitsut suleqatigikkit
  • Suliassat annertuut ineriartortitsinermut attuumassuteqanngitsut suliarinissaannut ikiortissarsiorit
  • Naliliillattaagit pissutsillu qanoq ingerlanersut malittarilluarlugit, nalimmassaasinnaalluarnerussaatit

Aningaasalersueriaaseq piukkunnarneq

Suliffeqarfik ineriartortinniaraanni aningaasalersuinertaa assigiinngitsutigut katiterneqarsinnaavoq. Soorunami siunnersuisinnaavugut, aamma ingerlatsinermut sanaartornermullu aningaasalersuinissamik neqerooruteqartarpugut.

Ilaannikkulli bankimit aningaasalersorneqarneq allamik ilaneqartariaqartarpoq. Soorlu assersuutigalugu aningaasaateqarfiit peqatigiiffiillu aningaasaliisartut ineriartortitsinissamut suliniummut ilanngukkaanni. Attavigitigut, taava pisariaqartitatit aallaavigalugit pitsaanerpaamik aaqqissuussissaagut.

Aamma takukkit

Nunat killingi qaangerlugit niuerneq

Trade Finance pillugu ilisimannilluartunik sulisoqarpugut, taakkua nunanit allanit niueqateqarnissinni ikiorsinnaavaatsit.

Akiliinerit

Suliffeqarfiutinni ulluinnarni akiliinerit ingerlanneqarnissaannut pisariaqartitasi tamaasa tunniussinnaavagut.

Nunat killingi qaangerlugit akiliineq

Nunanit allaneersunik niueqateqarnermi avammut akiliinerit, nunanilluunniit allanit akiliivigineqarneq pisariaqartarpoq.

Ingerlatsinermut aningaasaliineq

Suliffeqarfimmi ulluinnarni ingerlatsinermut aningaasaliineq, assersuutigalugu nioqqutinik pisiortornermut, akissarsiassanut, tunisassiornermut, inimillu attartornermut aningaasartuutinut.

Suliffeqarfiutivit sullinneqarnissaanut periarfissat paaserusuppigit?

Uunga sianerfigitigut

34 79 00

... allaffigalutaluunniit