Konto immikkut isumaqatigiissutitalik

Immikkut isumaqatigiissutitalimmik kontoqaruit aningaasat ukiup ataatsip tungaanut uninngatillugit erniaqarluartumik erniortikkallarsinnaavatit. Immikkut isumaqatigiissutitalimmik kontup pilersinnerani aningaasat uninngatinneqartussat amerlassusaat, uninngatitsinissap sivisussusissaa erniallu annertussusaat isumaqatigiissutigineqartarput. Isumaqatigiissusiorneq pereerpat atorunnaarsinneqarsinnaassanngilaq.

Uninngatitsineq ullormit ataatsimit ukiumut ilivitsumut sivisussuseqarsinnaavoq. Aningaasat uninngatinneqartut minnerpaamik 750.000 kr.-ussapput, amerlanerpaaffissamik killeqanngilaq. Erniat CIBOR naapertorlugu aalajangiunneqartarput, sivisunerusumillu uninngagunik erniaqqortunerussapput. Piffissaliussaq qaangiuppat ernialiineq pissaaq.