Paasissutissat inniminartut cookiesillu

BankNordikimi paasisinnaavarput paasissutissaatinnik inniminartunik uatsinnut tunniussigaangavit toqqissisimanartumik passunneqarnissaat pingaartitarissagit – illit pillutit paasissutissat illersorneqarnissaat uagut akisussaaffigaarput, tamannalu assorsuaq pingaartipparput. Uani atuarsinnaavat inuit pillugit paasissutissanik katersineq, passussineq, illersuinerlu qanoq ingerlattarneripput, kiisalu illit qanoq pisinnaatitaaffeqarnersutit. Nalunngilarput paasissutissanik inniminartunik passusseriaaseq ataasiaannarluni suliarisassaanngitsoq, taamaammat piffimmit piffimmut periuserput nalilersorlugulu nutarsartarparput, soorlu assersuutigalugu inuit pillugit paasissutissat passunneqarnerat allanngortikkaangatsigu, imaluunniit periutsit politikkillu nutaat atulersikkaangatsigit.

Nittartakkatsinni isersimagaangavit paasissutissaatinnik passusseriaaserput uani allaaserineqarpoq:

• Uatsinni sullitaagaangavit paasissutissaatinnik passusseriaaserput uani atuarsinnaavat

• Uatsinni atorfinikkumallutit qinnuteqaraangavit paasissutissaatinnik passusseriaaserput uaniippoq

Cookies

Cookie tassaavoq fiili paasissutissanik imalik nittartakkamit illit qarasaasianni webbrowserinnut ikkunneqartartoq. Tulliani nittartakkamut tassunga iseruit nittartakkap ilisarissavaatit. Cookie qarasaasiannut sunniuteqarnavianngilaq, virusinik assigisaanillu nassataqarneq ajorpoq.

BankNordikip nittartakkap atorneqarnera pillugu paasissutissanik katersiumalluni cookies atugaraa. Paasissutissat katersavut aallaavigalugit nittartagaq nutarsarlugulu pitsanngorsartuarsinnaavarput. Cookies illit pillutit paasissutissanik inniminartunik katersissutaanngilaq. Paasissutissat pissarsiarisavut allanut ingerlateqqinnavianngilagut allanullu tunineqarnaviaratik.

Qarasaasianni browserip inissiissutai iluarsillugit cookiesinik itigartitsisinnaavutit. Taamaattorli eqqumaffigissavat cookies akuerinngikkukkit imaassinnaasoq nittartakkatsinni periarfissat ilaat atorsinnaanngikkitit. BankNordikimit cookiesinik piumanngikkuit browserini nutaanerusuni tamangajanni internetindstillinger iserfigeriarlugu avancerede cookieindstillingerip iluani BankNordikimit cookiesinnakkumannginnerit nalunaarsorsinnaavat. Tassani aamma cookies ataasiakkaarlugit peersinnaavatit, imaluunniit cookies browserinnut toqqorneqarsimasut tamaasa ataatsikkut peerlugit.

BankNordikip nittartagaanut iseruit, cookiesillu itigartinnagillu peernagit, taava atornissaannut akuersisimasutut nalilerneqassaatit.

Inuit paasissutissaataat inniminartut e-mailillu atorneqartarnerat

Illit pillutit paasissutissanik tunigutsigut paasissutissat taakku isertuunneqassapput, inuillu paasissutissaataat pillugit inatsisit atuuttut malillugit pineqassallutik.

Paasissutissat isertuussat e-mailikkut krypteerigaanngitsukkut bankimut nassiukkukkit isumannaatsumik nassiunneqarnissaat qulakkeersinnaanngilarput. Taamaammat paasissutissaatitit inniminartut paasissutissalluunniit allat isertuussaasut e-mailikkut krypteerigaanngitsukkut bankimut nassiuttassanngilatit.

e-mailimik nassiussereernermi imarisai tammarsimappata allanngortinneqarsimappataluunniit tamatumunnga BankNordik akisussaatitaasinnaanngilaq.