Aningaasaqarnerit malinnaavigiuk
Nammineq aningaasanik atuinerit missingersuusiorukku malinnaaffigiuminarnerussaaq. Malinnaalluaruillu ernumanannginnerullunilu sinilluarnarnerussaaq - missingersuusiorsimaguit aningaasat pillugit eqqarsallattaartuartariaqassannginnavit. Taava nalussanngilat aningaasaqarnerit torersoq, akiligassallu takkuppata akilerneqarumaartut.
Missingersuusiorsimanngikkuit suliariniariuk. Assersuutigalugu missingersuusiorfissarput immersugassaq atorsinnaavat.
Qaammammut isertitat aningaasartuutillu pisartut immersoreerukkit qulaani talerpiatungaani takusinnaassavat aningaasarsianut aalajangersimasunut kontonnut qaammatikkaartumik qanoq ikisisartigissanerlutit.
Missingersuusiornermut siunnersuutit pingasut
- Ukiut ilivitsukkuutaarlugit missingersuusiortarit. Taava aningaasartuutigisartakkatit tamaasa ilanngutissavatit - ukiumut ataasiaannarlutik akilerneqartartut ilanngullugit
- Eqqumaffigiuk aningaasartuutit isertitallu ukiup ingerlanerani nikerarsinnaammata. Immaqa feriepengesissaatit, imaluunniit meeqqannut tapisillutit... aamma juullimi tunissutisiassat angalaarnissallu eqqaamaniarigit
- Missingersuusiat ilaanneeriarlutit misissoqqittassavat, ass. qaammatit pingasukkaarlugit. Aningaasaqarninni pissutsit allanngorsimasinnaapput. Missingersuusiaq pissutsini malinnaasillugu aaqqissuuttariuk
Qaammatit tamaasa assigiimmik ikisisarit
Imaassinnaavoq qaammatit ilaanni akiligassat amerlanerusartut, taamaammallu qaammatit tamaasa assigiimmik ikisisanngikkaanni akiligassat annertunersuit takkukkaangata tupaallannarsinnaavoq.
Piviusorsiortumik missingersuusiorlutit naatsorsuilluaqqaarina. Taava akiligassanut aalajangersimasunut akiliutaasussat qanoq amerlatiginersut nalussanngilat, taamaasillutillu qaammatit tamaasa qanoq amerlatiginersut akiligassanut aalajangersimasunut kontomut ikisassanerlugit nalussanagit. Taava aamma tamakku akilereeraangata aningaasat sinneruttut qanoq amerlatigisassanersut nalussanngilat.
