Ilinniarnerup saniatigut sulineq
Ilinniartuugavit soorunami piffissavit annertunersaa ilinniarnermut atorsimassavat. Misilitsinnerit nalaanni suliassat annertusangaarmata aamma saniatigut suliffeqarnissaq inuillumi akornanni akuunissaq ajornakusoorsinnaasarpoq.
Taamaakkaluartorli ilinniarnerup saniatigut suliffeqaruit iluaqutitai minnerpaamik marluupput: Aningaasaqarnikkut iluaqutigissavat, aammalu CV-nni kusassaataassaaq.
Siunissami sulinissannut atatillugu ilinniarnerup saniatigut suliffigisimasat iluaqutigingaatsiarsinnaavat, tassani ilikkakkatit timitalimmik atorsinnaassagakkit, ilinniakkannut atatillugu sulinermik misilittagaqarlutit, aammalu attavissannik pissarsiortorlutit. Attavissat taakku siunissami suliffissarsiuleruit iluaqutigingaatsiarsinnaassavatit.
Ilinniarnerup saniatigut sulineq ilinniagaqarnersiutillu
Kalaallit Nunaanni ilinniartuuguit ilinniagaqarnersiuteqarumallutit qinnuteqarsinnaavutit. Ilinniagaqarnermusisaruit saniatigut isertitatut B-indkomstitut qanorluunniit isertitaqartigisinnaavutit, soorlu suliffeqarnikkut.
Danmarkimi ilinniartuuguit Danmarkimi SU-sisalerumallutit qinnuteqarsinnaavutit. SU-sisaruit taakkua saniatigut annertuallaartumik isertitaqarpallaaqqusaanngilatit. SU saniatigut isertitarineqarsinnaatitaasut fribeløbimik aamma taaneqartarput.
Suliffissarsiornissannut siunnersuutit
Ilinniarnerpit saniatigut suliffissarsiorusukkuit qinnuteqarnissannut siunnersuutivut uani atuarsinnaavatit.
