Visa/Dankort
Visa/Dankort akiliissutitut atorsinnaavat - nunatsinni nunanilu allani.
Kalaallit Nunaanni pisiniarfinni tamangajanni, aningaasanillu tigusisarfinni tamani atorneqarsinnaavoq. Aallaleruit korti nassarniariuk, nunarsuarmi sumiiffinni 24 millioninik sinnilinni atorneqarsinnaammat.
Aningaasaqarnerit malinnaaffigiuk
Visa/Dankort atoraangakku aningaasat ingerlaannaq kontonnit ilanngaassutigineqartarput, taamaammat kontomi uninngasuutitit malinnaaffigilluarsinnaassavatit.
Visa/Dankort naatsumik ilisaritillugu
- Akiliigaangavit ingerlaannaq kontomit ilanngarneqartarput
- Nunatsinni nunanilu allani atorneqarsinnaavoq
- Attuutsinnagu akiliissutigineqarsinnaavoq
Visa/Dankortissat nammineq ilusilersoruk
Visa/Dankortit nammineq qinikkannik assitalersinnaavat. Assinik atorneqarsinnaasunik peqarpugut, kisianni aamma nammineq assiutinnik assitalersinnaavat. Assersuutigalugu ilaquttavit assinganik, arlaanniluunniit angalatillutit assilisimasannik assitalerusukkukku ajornaatsunnguamik naammassineqarsinnaavoq.
Korti attuutsinnagu akiliineq
Ulloq 1. september 2015-ip kingorna Visa/Dankortimik pisaarsimaguit korti attuutsinnagu akiliissutigisinnaassavat. 350 kr. ataallugit akiliinermi korti akiliisarfiup eqqaanut qanillisiinnarlugu akiliissutigisinnaavat, pinkode toortanngikkaluarlugu akiliinerit akuerineqassaaq.
Kortit pillugit paasissutissat
Kortitaarumallunga qanoq qinnuteqassaanga?
Kortitaarniaruit bankimut attaveqassaatit.
Kortimik piniarsimaguma qaqugu tigussavara?
Kortimik piniarsimaguit sap. ak. 2-3 qaangiuppata tigussavat.
Kortitaarsimaguma qanoq atulersinnaavara?
Kortit atorniarukku ammarteqqaassavat. Kortimik nassitsikkuit ammarnissaanut ilitsersuut ilanngullugu tigussavat.
Kalaallit Nunaanni kortinnik qanoq atuitigisinnaavunga?
Nunani allani kortimik atuisinnaanera killeqarpa?
Nunani allani kortit atoraangakku atuinissamut killiliussat akiliutillu assigiinngitsut eqqumaffigisassaapput.
Tamanut pinkode ataaseq qanoq isumaqarpa?
Pinkode ataaseq kortinut ukununnga atuutsilersinnaavat:
- Dankort
- Visa/Dankort
- Visa Electron
- MasterCard Kredit
- MasterCard Debit
Pinkode ataaseq tamanut atorniarukku qanoq iliussaanga?
Ataatsimik pinkodeqarniaruit bankimut attaveqassaatit.
Mastercard atoraangakku qaqugukkut ilanngaavigineqartassaanga?
Mastercardit qaammatikkaartumik ilanngaavigineqartartutut aaqqissuunneqarsimappat, taava qaammat naatinnagu ullut bankip ammaffii arfineq-marluinnanngorsimagaangata qaammammut akiliutit ilanngaatigineqartussat naatsorsorneqartarput. Qaammatip taassuma ulluisa 20.-ni 21.-niluunniit pigajuttarpoq. Ilanngaassineq pisarpoq qaammatip tulliani ullormi bankip ammaffiani siullermi.
Assersuut: Januaarip ulluisa 10.-ni 1.500 kr. atorsimagukkit, taava 13.-ni 300 kr., kiisalu 27.-ni 1.000 kr. atorsimallugit, taava februaarimi ullormi bankip ammaffiani siullermi 1.800 kr.-inik ilanngaaffigineqassaatit. 1.000 kr.-it januaarip 27.-ni atorsimasatit aatsaat martsimi ilanngaassutigineqassapput.
Kortiga qaangiuttoorpat qanoq iliussaanga?
Iliuuseqartariaqanngilatit. Kortimik nutaamik nassinneqassaatit.
Korti qaangiuttoortinnagu qanoq nutaamik piniassaanga?
Nutaamik piniarnissaq pisariaqanngilaq. Kortit qaangiutsinnagu BankNordikip taartissaanik nassissavaatit.
Kortiga qanoq matutissavara?
Nammineerlutit Netbankikkut Mobilbankikkulluunniit kortit matutissinnaavat. Aamma uatsinnut Netsimulluunniit saaffiginnissinnaavutit.
Bankip ammasarfiisa iluanni kortimik matutitsineq
- Sianerfissaq 34 79 00, aamma Nuummi immikkoortortaqarfitsinnut ornigussinnaavutit
Ataasinng.-sisamanng. nal. 9.30 - 15.30
Tallimanngorneq nal. 9.30 - 15
Bankip ammasarfiisa avataanni kortimik matutitsineq
- Ukuninnga matutitsiniaruit: Visa/Dankort, Dankort, Hævekort
Sianerfissaq tlf.: +45 44 89 29 29 - Mastercardimik matutitsiniaruit
Sianerfissaq tlf.: +45 44 89 27 50
Nets sianerfigigukku apeqqutit uku apeqqutigineqassapput:
- Atit
- Najukkat
- Aningaaserivigisat
- Kortip normua, kontunormu imaluunniit inuup normua
Taava kortit matussavaat, atorsinnaajunnaarsillugu.
Kortiga ajorpat qanoq iliussaanga?
Kortit ajorpat bankimut attaveqassaatit.
Kortiga atornerlunneqarsimappat imaluunniit tammarsimappat qanoq iliussaanga?
Kortit tammarsimappat imaluunniit atornerlunneqarsimappat ingerlaannaq matutissavat.
Bankip ammasarfiisa iluanni kortimik matutitsineq
- Sianerfissaq 34 79 00, aamma Nuummi immikkoortortaqarfitsinnut ornigussinnaavutit
Ataasinng.-sisamanng. nal. 9.30 - 15.30
Tallimanngorneq nal. 9.30 - 15
Bankip ammasarfiisa avataanni kortimik matutitsineq
- Ukuninnga matutitsiniaruit: Visa/Dankort, Dankort, Hævekort
Sianerfissaq tlf.: +45 44 89 29 29 - Mastercardimik matutitsiniaruit
Sianerfissaq tlf.: +45 44 89 27 50
Nets sianerfigigukku apeqqutit uku apeqqutigineqassapput:
- Atit
- Najukkat
- Aningaaserivigisat
- Kortip normua, kontunormu imaluunniit inuup normua
Taava kortit matussavaat, atorsinnaajunnaarsillugu.
Pinkodera puigorsimagukku qanoq iliussaanga?
Pinkodit puigorsimagukku bankimut attaveqassaatit, taava pinkoditaartissavaatsit.
Kortikka ataatsimoorullugit sumi takusinnaavakka?
Netbankimi kortit suut piginerlugit ataatsimut takusinnaavatit.
Netbankimut iserit – konti og betalinger tooruk – kort tooruk.
Kortinnut atatillugu sillimmasiinerit suut atuuppat?
BankNordikimit MasterCardit amerlanertigut sillimmasiinertaqartarput. Kortit assigiinngitsut sillimmasiinerillu assigiinngitsut pillugit kortit assigiinngitsut allaaserineqarneranni paasisaqarnerusinnaavutit.
