Atuinermut taarsigassarsiat
Erruivik ajorpa, sofa taarsigassaava, imaluunniit qamuteralattaarniarpit?
Taarsigassarsiniaraangatta peqqutigisinnaasagut amerlaqaat. Akiitsortitsisartullu assigiinngitsut amerlaqaat - minutsillu tallimat qaangiuppata kontonnut ikereersimanissaat neriorsuineqaraangat taarsigassarsigasuarnissaq pilerinarsinnaagaluaqaaq. Taarsigassarsigasuarnerli akisoorujussuusinnaavoq, ukiumoortumik aningaasartuutitai annertunngaatsiarlutik.
Aningaasaqarnikkut artunngikkukku taarsigassarsitissavatsigit - aningaasaqarnerillu ilisimasussaagatsigu uatsinni akiitsoraangavit artukkannik akiitsortinnavianngilatsigit.
Bankimi taarsigassarsineq imaluunniit taarsigassarsigasuarneq?
Toqqaassasuugutta sorleq qinissanerlugu uagut nalunngilarput
Taarsigassarsiniaruit siunnersuutit sisamat
- Missingersuusiorit
Missingersuusioruit aningaasaqarnerit malinnaaffigiuminarnerussaaq. Isertitatit aningaasartuutitillu takussavatit, oqimaaqatiinnersullu nalilersinnaassallugit, taamaasillutillu taarsigassarsisinnaassanerlutit aamma nalilersinnaassallugu. Ugguuna paasisaqarnerullutillu missingersuusiornissamut immersugassaq aajuk. - Ileqqaagaqarit
Taarsigassarsitinnak ileqqaagaqaqqaarnissaq innersuussutigaarput. Ilaatigut taava taarsigassarsinissamut pisariaqartitsinerit annikinnerussaaq, aammali ilinnut bankinnullu uppernarsassavat aningaasaqarnikkut ima ingerlalluartigalutit, taamaammallu taarsigassarsianik akilersugaqarsinnaallutit. - Taarsigassarsiatit akilersortakkit
Taarsigassarsisimaguit akilersuinissannut isumaqatigiissusiarisimasavit ataqqinissaat pingaaruteqarpoq - ilinnut bankinnullu pitsaanerussaaq. - Ilinnut ilungersunarpallaartumik akiitsornak
Silatusaarnissaq ilaanni eqianarsinnaagaluarpoq, aningaasanulli tunngatillugu minnerunngitsumik pingaaruteqarpoq. Aningaasartuutitit isertitarisartakkannit annertuneruppata nuannersunut akissaqanngitsuussaatit - taamaasillutillu aamma taarsigassarsiaqaruit akilersornissaannut akissaqanngitsuussallutit.
