Ingerlatseqatigiiffik pillugu

BankNordik Danmarkimi, Savalimmiuni, Kalaallillu Nunaanni immikkoortortaqarfeqarpoq. Taamatuttaaq Savalimmiuni illunik tuniniaasartut Skyn, Savalimmiunilu sillimmasiisarfik Trygd ingerlatarai. BankNordikip qullersaqarfia Tórshavnimiippoq børsimilu Nasdaq Copenhagenimi nalunaarsorsimalluni.

Banki tamatigoortumik kiffartuussisoq

BankNordik Kalaallit Nunaanni atuisunik inuussutissarsiortunillu sullissisuuvoq. Nuummi immikkoortortaqarfipput aallaavigalugu sullitavut sullittarpavut, aammalu Danmarkimi Savalimmiunilu immikkoortortaqarfippaaloqarluta.

Uatsinni sullinneqaruit tamatigoortumik kiffartuunneqassaatit, ulluinnarni aningaasaqarnermi aammalu aningaaserinikkut aalajangigassanut annertunerusunut tunngatillugu assigiinngitsunik periarfissinneqartarlutit siunnersorneqarlutit. Aningaaserinikkut aalajangigassat annertunerusut tassaasinnaapput illuutitaarneq, aningaasaliineq pensiuunilu. Akitigut unammillersinnaalluarpugut, uatsinnilu atuisutut katersatit amerlaneruppata akit atugassarititaasullu tunniussinnaasavut pitsaanerussapput. Peqatigalutit ilinnut tulluarsakkanik kiffartuussissaagut, pisariaqartitannut naapertuuttunik – aningaasaqarnikkut atukkatit aallaavigalugit pitsaanerpaamik periarfissaqartillutit.

Banki unammillersinnaasoq kiffartuussaminik pingaartitsisoq

Ukiut 100 sinnerlugit ingerlatsinitsinni sullitavut kiffartuullugit nuannersut nuanniitsullu aqqusaartarsimavavut. Kiffartuussinitsinni tunngavigaagut aningaasaqarneq aalajaatsoq pingaartitavullu, tassaasut piginnaaneqarneq, akuuneq, sunniuteqarnerlu. Ukiuni kingullerni BankNordik assorsuaq ineriartorsimavoq, sulilu anguniagaraarput bankip nunani avannarlerni siuarsimasututut inissisimanera nukittorsartuassallugu, aammattaarlu siunissaq ungasinnerusoq eqqarsaatigalugu bankip sullitaanut piginneqataasunullu nalitunerulersitsiuarnissaq anguniagaralugu.

Anguniakkavut tamakku tunaartaralugit qitiusumik niuernikkut ingerlatsinerput siuarsartuarparput, allaffissornermi ingerlatsinermilu periutsit pisariillisartuarpavut, kiisalu aningaasaatit navialisinnaanerullu isumannaatsumik aqunneqarnissaat pitsanngorsartuarlugu.

Aamma atuakkit

Oqaluttuassartaa

BankNordikip ukiut 100 sinnerlugit oqaluttuassartaa atuaruk

CSR

Inuiaqatigiinni akisussaaffeqarnermini BankNordikip sammisai pingaarnerit takukkit

Anguniagaq pingaartitallu

Anguniakkavut, takorluukkavut pingaartitavullu

BankNordikimi sulineq

Ingerlatseqatigiiffimmi anginngitsumi sunniuteqaqataajumasunut

Uatsinni periarfissatit paasisaqarfiginerorusuppigit?

Uunga sianerfigitigut

34 79 00

... allaffigalutaluunniit