Tusagassiuutinut nalunaarut

BankNordikimi taarsigassarsisitsinerit annertusiartorput suliallu amerliartorlutik

BankNordikip ullumi ukiup sisamararterutaani naatsorsuutit saqqummersinneranni ukiup qaammataani siullerni qulingiluani niuer-finni tamani siuariartorneq takutissinnaavaa. Akileraarutit sioqqullugit inerneraat 286 mio. kr., tamannalu ukioq 2017-imi piffissamut tamatu-munnga naleqqiullugu ineriartornertut malunnaatilittut oqaatigi-neqarsinnaavoq. Ingerlalluarneq tamanna peqqutaalluni ukioq 2018-imi ilanngaatit peereerlugit iluanaarutissatut ilimasuutigisat qanittuk-kut bankimit qaffaavigineqarput.

Ingerlatseqatigiiffimmi ineriartortitsinermut pilersaarusiatsinnut atatillugu BankNordikimi Kalaallit Nunaanni niuerfik pingaartitaralugu aallussimavar-put, tamannalu ukiup sisamararterutaasa pingajuanni iluanaaruteqarluar-nermik kinguneqarpoq. ”Kalaallit Nunaanni niuernitsinni ingerlalluarpasip-pugut, naammagisimaarutigalugulu oqaatigisinnaavarput ingerlalluarneq ilaatigut inunnik sullissinermi siuariartornermik aallaaveqartoq, ilaatigullu Kalaallit Nunaanni inuussutissarsiortunut taarsigassarsisitsinerit ineriartor-luarnerannik aallaaveqarluni,” Árni Ellefsen, BankNordikimi pisortaaneq oqarpoq.

Ingerlatseqatigiiffiup BankNordikip naatsorsuutaani erserpoq niuerfiit akuuf-figisagut suliallu ingerlanneqartut tamarmik ajunngitsumik ingerlasut. Ataatsimut isigalugu sullitaqarnikkut eqeersimaarfiuvoq, taarsigassarsisitsi-nerillu annertusiartorlutik, tamakkulu saniatigut banki appartitsinernik uter-titsisinnaasimavoq, ataavartumillu aningaasartuutinik aqutsineq suka-ngasooq attassinnaasimallugu. ”Naak ernianit isertitaqarniarneq suli maan-namut ajornakusooraluartoq, takusinnaavarput taarsigassarsisitsinerit an-nertusiartornerat ilutigalugu ernianit isertitavut nalimmassarneqartut, taamaasillutalu erniat appasinnerat annaasaqarfiginngikkipput, tamannalu soorunami naammagisimaarutigaarput,” Árni Ellefsen oqarpoq.

BankNordikip piffimmi sivisujaami sullitat naammagisimaarinninnerulernis-saat sulissutigisimavaa. Tassunga atatillugu bankimi sulisut augustimili sullitanut 7.000-inik sinnilinnut sianersimapput sullitat pisariaqartitaat paa-sisaqarfigiumallugu, attaveqaqatigiinneq nukittorsarumallugu, kiisalu bankimi pitsaanerusumik sullinneqarnissaat qulakkeerumallugu.

2018-imi qaammatini siullerni qulingiluani naatsorsuutit inerneri pingaarnersiukkat

  • Akileraarutit sioqqullugit inernerat tassaavoq 286 mio. kr., 2017-imi piffimmi tassani 143 mio. kr.-uvoq
  • Appartitsinerit sioqqullugit ingerlatsinerup inernera 137 mio. kr.-uvoq, 2017-imilu piffimmi tassani 135 mio. kr.-ulluni.
  • Taarsigassarsiarititanik appartitsinernik utertitsineq 93 mio. kr.-uvoq, 2017-imilu piffimmi tassani appartitsinernik utertitsineq 9 mio. kr.-ulluni
  • Ingerlatsinerup inernera 230 mio. kr.-uvoq, 2017-imilu piffimmi tas-sani 144 mio. kr.-ulluni.
  • Bankip taarsigassarsisitsinera 2017-imi qaammatini siullerni qulingiluani 9,5 mia. kr.-usoq, 2018-imi qaammatini siullerni qulin-giluani 10 mia. kr.-nut qaffariarsimavoq.
  • Bankip uninngatitai 2017-imi qaammatini siullerni qulingiluani 13 mia. kr.-usut qaffariarsimapput 2018-imilu qaammatini siullerni qu-lingiluani 13,2 mia. kr.-ulerlutik.
  • Akiliisinnaassusaa 17,6%-inut appariarsimavoq, 2017-imi piffimmi tassani 18,2%-iuvoq.
  • Bankip siulersuisuisa siornatigut nalunaarutigaat appartitsinerit sioqqullugit ingerlatsinerup inernera 160-200 mio. kr.-ussasoq, maannalu naatsorsuutigaat kisitsimmut taaneqartumut annermut qaninnerussasoq (2018-imi ukiup sisamararterutaani siullerni pingasuni: 137 mio. kr.)
  • Ulloq oktobarip 18. 2018 BankNordikip 2018-imi ilanngaatit peereer-lugit iluanaarutissatut naatsorsuutigisai qaffaavigineqarput, siorna-tigut nalunaarutigineqarsimavoq 190-240 mio. kr., maannali naatso-rsuutigineqarpoq 240-280 mio. kr.-ussasoq, appartitsinernik utertit-sineq annertooq tassunga peqqutaavoq.

Uatsinni periarfissatit paasisaqarfiginerorusuppigit?

Uunga sianerfigitigut

34 79 00

... allaffigalutaluunniit