Netbankikkut mobilbankikkullu niuerneq
Netbankikkut mobilbankikkullu aningaasaliissutitit ulloq unnuarlu malinnaavigalugillu ingerlassinnaavatit. Tassuuna pappialaatitit nalillit takusinnaavatit, pappialanik nalilinnik pisillutillu tunisisinnaavutit, niuerfimmi nutaarsiassat malinnaavigisinnaavatit, pappialallu nalingisa ineriartornerat malinnaavigalugu.
Internetikkut niuerniaraangavit nunarpassuarni børsit pingaarnerit iserfigisarsinnaavatit. Taamaasillutit selskabini assigiinngitsorpassuarni pappialat iserfigisinnaassavatit, aammalu Danmarkip børsiata ammasarfiisa avataani børsinut allanut isersinnaallutit.
Internetikkut niuernerup iluaqutai
- Nunarsuaq tamakkerlugu børsinut pingaarnernut tamanut isersinnaaneq
- Niuerfinni nutaarsiassani nutaanerpaani malinnaalluarneq
- Aningaasartuutit annikinnerupput
- Aningaasaliinitit ataatsimut takusinnaassavatit - ulloq unnuarlu
Internetikkut niuerneq akikinneruvoq
Pappialanik nalilinnik pisinermi tunisinermilu niuernermi aningaasartuutitaqartarpoq. Aningaasartuut pisiarineqartup nalinga apeqqutaalluni procentinngorlugu naatsorsorneqartarpoq, taamaattorli aalajangersimasumik minnerpaamik akeqartinneqartarluni.
Nammineerlutit Netbankikkut Mobilbankikkullu niuerneq ingerlakkukku minnerpaamik akigititaasoq akigititaasullu procentinngornera appasinnerusarpoq, uagut aningaasaliissukkutsigit taakku akisunerussapput.
Aktiat obligationillu
Internetikkut pappialanik nalilinnik niueraangavit obligationit aktiallu Danmarkimeersuusinnaapput, aktiallu aamma nunanit allaneersuusinnaallutik.
Netbankimi Mobilbankimiluunniit ikiugassaavit?
Uunga sianerfigitigut