Obligationit

Obligationisiguit obligationisiffigisat aningaasanik atukkiutissavat, tassungalu taarsiullugit ernianik akiliutinillu akiliivigineqartassaatit, ullorlu atorunnaarfissaatut killiliussaq sioqqullugu iluanaaruteqassappat aamma iluanaarutinik pissarsiaqassaatit.

Nalittorneratigut iluanaaruteqarsinnaavutit

Ulloq killiliussaq qaangiuppat aningaasaliissutit tigoqqissavat kurs 100-p nalinganut, tassa imaappoq obligationip nalingata 100%-ia tigussavat. Obligationi pisiarigakku kurs 97-iusimappat, tassa imaappoq obligationip nalingata 97%-ia, taava nalittorneratigut 3%-imik iluanaaruteqassaatit. Tassa imaappoq obligationisinikkut ernianit nalittornikkullu iluanaarutinit isertitaqarsinnaavutit.

Ernumananngitsut

Obligationit aningaasaliinertut isumalluarnartutut isigineqartarput, aalajaatsumillu iluanaaruteqarfiusutut. Kingumut qiviaraanni obligationinik aningaasaliinermi erniasiassat bankimi uninngatitsiinnarnermit pitsaanerupput, assigiinngitsorpassuarnillu qinigassartaqarpoq illit kissaatitit pisariaqartitatillu aallaavigalugit katitersinnaasannik.

Kina obligationinik pisititsisinnaava?

Obligationisisarfiit amerlavallaanngillat, obligationinilli DKK-nik pisisarfiit nalinginnaanerpaat tassaapput danskit naalagaaffiat kiisalu realkreditinik taarsigassarsisarfiit. Taakkunannga obligationisinermi aningaasat atukkiussat utertinngitsoorneqarnissaat ilimananngitsorujussuuvoq, taamaammallu taamaattunik obligationisinermi annaasaqarnissamut nalorninaat annikitsuararsuulluni. Allanik aamma obligationisisarfeqarpoq, assersuutigalugu suliffeqarfiit, tassanilu nalorninaatit nikerarput. Suliffeqarfinnit obligationisitinnak siunnersorneqarnissat innersuussutigaarput.

Obligationisillutit aningaasaliinissat eqqarsaatigaajuk?

Aningaasaliinermut tunngasuni siunnersortaanerput obligationit pillugit nassuiaasoq isiginnaagassiami uani takuuk.

Aamma atuakkit

Peqatigiiffiit aningaasaliisartut

Siammasissumik aningaasaliiniaruit

Personlig FormuePleje

Aningaasaatinnit 50.000 kr. sinnerlugit aningaasaliissutiginiarukkit

Exchange Traded Funds (ETF)

Aktianut obligationinullu arlalinnut aningaasaliineq, taamaattorli pappialamut ataatsimut katersuussat

Uatsinni periarfissatit paasisaqarfiginerorusuppigit?

Uunga sianerfigitigut

34 79 00

... allaffigalutaluunniit