Aningaasaliineq aallartilluarlugu

Aningaasaliisalerusukkuit periarfissarpassuaqarputit.

Pappialanik nalilinnik aningaasaliineq ileqqaagaqarnissamut ilassutissaqqippoq. Tassami ukiuni kingullerni erniat appasinnerat pissutaalluni ileqqaagaqarluni kontomi uninngasuuteqarnermi iluanaarutit assorsuaq appasissimapput.

Aningaasaliiguit aningaasaativit iluanaaruteqarfigilluarnissaannut periarfissaqarsinnaavutit - soorunami nalornissuteqarnata iluanaaruteqarnissat neriorsuutigisinnaanngilarput, aningaasaliineq arlaatigut nalorninartoqartuaannarmat.

Aningaasaleeriaatsit arlaqarput, nammineq ingerlassinnaavat, aningaasaliissussinnaavatsigit, aamma suleqatigiilluta aningaasaliineq ingerlassinnaavarput. Periuseq sorleq atorusunnerlugu nammineq qinissavat, tassanilu aalajangiisooqataassaaq illit nammineq niuernikkut pissutsinik qanoq malinnaatigerusunnerit - malinnaanissarlu qanoq piffissaqarfigitiginerit.

Suut aningaasaliissutiginiarnerlugit aamma eqqarsaatigissavat, tassaasinnaapput pensionimut ileqqaakkatit imaluunniit aningaasaatitit kontomi uninngatitatit.

Alloriarneq siulleq

Qanormi aallartittarpat? Nammineerniarpit, imaluunniit ikiorneqarusuppit? Aktiat, obligationit, peqatigiiffiit aningaasaliisartut allalluunniit atorniarpigit? Akileraarnikkut malittarisassat suuppat?

Aningaasaliineq pillugu paasissutissarpassuit katersorsimavagut, aallartitsinnak piareersarniassagavit. Siunnersortit soorunami aamma saaffigisariaannaavat.

Qanoq aningaasaliiniarpit?

Nammineq aningaasaliigit

Nammineerlutit aningaasaliiniaruit pappialanik nalilinnik aningaasaliiffissat assigiinngitsut uani ilisaritinneqarput.

Aningaasaliissutissavatsigit

Aningaasaliinitit uagut ingerlassinnaavagut, taava illit suliassanut allanut piffissaqarnerussaatit.

Suleqatigiilluta aningaasaliisa

Siunnersussavatsigit - illit nammineq aalajangiisuussaatit.

Aningaasaatitit pensionimulluunniit ileqqaakkatit aningaasaliissutiginiarpigit?

Aningaasat suut aningaasaliissutigissavakka? Pensionimut ileqqaakkakka, imaluunniit ileqqaakkakka allat? Taakkua assigiinngissutaat eqqumaffigisassaapput.

Aningaasaliinermut siunnersortaanitta Kim-ip isiginnaagassiami uani nassiuaatissavaatigut, aningaasaliinialeruillu eqqumaffigisassat taakkartussallugit.

Uatsinni periarfissatit paasisaqarfiginerorusuppigit?

Uunga sianerfigitigut

34 79 00

... allaffigalutaluunniit