Juunip 15-ianit 21-anut Netbank aningaasanillu tigusisarfiit atorneqarsinnaanerat killeqassaaq

Marlunngornermit juunip 15-ianit ataasinngorneq juunip 21-at ilanngullugu Netbank aningaasanillu tigusisarfiit killilimmik atorneqarsinnaassapput.

Nunanut allanut nuussinerit: Pingasunngornermi juunip 16-ani nal. 13-imit sapaammi juunip 20-ani nal. 08-p tungaanut Netbank aqqutigalugu nunanut allanut nuussisoqarsinnaassanngilaq.

Ingerlaannaq nuussinerit (Straksoverførsler): Tallimanngornermit juunip 18-ianit nal. 10.30-mit (Danmarkimi nal. 14:30) – sapaammi juunip 20-ani nal. 8:00-ip (Danmarkimi nal. 12) tungaanut Netbankimi ingerlaannaq nuussisoqarsinnaassanngilaq.

Pappialanik nalilinnik niuerneq: Marlunngornermi juunip 15-iani nal. 13-imit ataasinngornermi juunip 21-ani nal.08-p tungaanut Netbankikkut pappialanik nalilinnik tunisisoqarsinnaananilu pisisoqarsinnaassanngilaq.

Aningaasanik tigusisarfiit atorsinnaanngikkallassapput: Tallimanngornermi juunip 18-ani nal. 23-mit sapaammi juunip 20-ani nal. 08-p tungaanut aningaasanik tigusisarfiit atorneqarsinnaassanngillat.

Juunip 18-anit 20-anut Netbank matoqqassaaq: Tallimanngornermi juunip 18-ani nal. 15.30-mit sapaammi juunip 20-ani nal. 08-p tungaanut Netbank atorneqarsinnaassanngilaq.

Tamatumunnga peqqutaavoq ukiormanna aallartilaaginnartoq Danmarkimi immikkoortortaqarfipput tunigatsigu, tassungalu atatillugu Danmarkimi sullitarisimasagut maanna Spar Nordimut nuunneqartussanngorlutik. Nuukkumallugit Netbank aningaasanillu tigusisarfiit piffinni taaneqartuni ilaatigut matugallartariaqassavagut, tamannalu ajoraluartumik Kalaallit Nunaanni sullitatsinnik eqquissaaq.

Ikiugassaassaguit attavigigitigut

Taamatut akornusiinissarput ajuusaarutigaarput. Nunanut allanut aningaasanik nuussiniaruit pappialanilluunniit nalilinnik niuerniaruit uatsinnut saaffiginninnissannut tikilluaqqusaavutit.

Attavissat ammasarfiillu uani takusinnaavatit.