Qularnaallisaatit assigiinngitsut

Qularnaveeqqusiinerit assigiinngitsorpaaluupput, niueqatigiinnermilu isumaqatigiissut ataaseq arlalinnik qularnaveeqqusiinertaqarsinnaasarpoq.

Qularnaveeqqusiinerit tunisisumut tunngasut

• Betalingsgaranti (Payment Guarantee). Akiliinermut qularnaallisaanikkut pisisup akiliinissamut pisussaaffini eqquutsinngippagit tunisisup akilerneqarnissani qulakkiissavaa.

Qularnaveeqqusiinerit pisisumut tunngasut

• Tilbudsgaranti (Bid Bond). Neqeroorutip qularnaallisaaserneratigut tunisisup akissatut neqeroornermini taasani naapertorlugu pisussaaffini malinngippagit pisisup taarsiivigineqarnissani qulakkiissavaa.
• Arbejds-/leveringsgaranti (Performance Bond). Tassani tunisisoq nioqqutit nassiunneqarneranni nioqqutilluunniit atorsinnaaneranut pitsaassusaanulluunniit atatillugu pisussaaffini naammassinngippagit pisisup taarsiivigineqarnissani qulakkiissavaa.
• Forudbetalingsgaranti (Advance Payment Bond). Siumoortumik akiliineq qularnaveeqqusersimagaanni tunisisup isumaqatigiissut malillugu pisussaaffini eqquutsinngippagit pisisup siumoortumik akiliutigisimasani tigoqqissavai. Siumoortumik akiliinermik qularnaveeqqusiineq isumaqatigiissutip nalingata 10-40 %-ianut atuukkajuttarpoq.
• Tilbageholdelsesgaranti (Retention Guarantee). Aningaasaatinut sunniuteqartussanik niuernermi, soorlu fabrikkimi tunisassiuutinik maskiinanilluunniit pisinermi akiliinerup ilaa uninngatikkallarneqarsinnaasarpoq qularnaveeqqusiiffittut piffissaliussap iluani, ass. qaammatini 12-ni. Tunisisoq tassani pisisumut tilbageholdelsesgarantimik qularnaveeqqusiisinnaavoq, taava pisisup ajoqutinut amigaatinullu taarsiivigineqarnissani qulakkiissavaa, pisiami akia tamakkiisumik akilereeraluarlugu.