Ukioq 2018 aallartilluarpoq

Ukioq 2018 manna tikillugu ingerlatseqatigiiffimmut BankNordikimut ingerlalluarfiusimavoq. Ukiup sisamararterutaani siullermi ingerlatsinerup inerneraa 77 mio. kr., tamannalu siorna piffissamut tassunga naleqqiullugu 66%-imik annertuneruvoq. Ingerlatseqatigiiffik niuerfinni akuuffimmini tamani ingerlalluarpoq. Bankimi siulersuisut 2018-imi angusaqarluarnissaminnik isumalluarput, ukiup aallartinnerani naat-sorsuutigisimasaminnit annerusumik angusaqarnissaq maanna naatsorsuutigaat.

”Ukiup sisamararterutaani siullermi angusavut iluaraagut, tamakkiisumillu isigalugu sutigut tamatigut siuariartornermik takutitsipput. Tassunga ilan-ngullugu Savalimmiuni pisortaqarfiup tunineqarnera nalikilliliinerillu utertinneqartut angusaqarluarnitsinnut sunniuteqaqataapput. Naak ernianit pissarsianut atatillugu unamminartoqaraluartoq takusinnaavarput taarsigassarsisitsineq naammaginartumik annertuseriarsimasoq, ingerlatsinerpullu iluanaarnartumik pisoq, tamannalu nuannaarutigaarput.” Árni Ellefsen, BankNordikimi pisortaaneq oqarpoq.

Suleriutsitta pitsanngorsartuarnissaa ingerlatseqatigiiffitsinni suliniutigiuarparput, tassungalu atatillugu periutsivut ilaatigut allanngortiterneqarsimapput, suliassallu ilaat ataatsimut kattunneqarsimallutik. Allannguinerit tamakku bankip siumut ingerlatsinikkut iluanaarfiujuarnissaa unammillersinnaajuarnissaalu siunertaralugit suliarineqarput.

Ukiup sisamararterutaani siullermi BankNordik aamma Kalaallit Nunaanni niuerfimmini nukittorsaatissaminik aallarnisaasimavoq. ”Kiffartuussinerput nukittorsarumallugu atuisunik sullissinermi pisortassamik atorfinitsitsisimavugut. Sullissinermi pisortartaarput René Sørensen ani-ngaasaqarnerup silarsuaani misilittagartuujuvoq, aammalu Kalaallit Nunaanni pissutsinik ilisimasaqarluarluni, sullitallu pisariaqartitaat nalunagit. Naatsorsuutigaarput tamanna sullitatta iluaqutigissagaat,” Árni Ellefsen oqarpoq.

Sullissinermi pisortartaatta inuussutissarsiornermi pisortaq Thomas Tyt Mogensen suleqatigalugu Kalaallit Nunaanni aqutsineq ingerlatissavaat. Atorfinitsitsinermut atatillugu nuummi bankimi ilassinninniarneq pissaaq tallimanngorpat maajip 4. nal. 15-17, kikkut tamarmik tikilluaq-qusaapput.

Nutarsaanermi siuttuuvugut

Nunani avannarlerni aningaaserivinni SDC-mi suleqatigiittuni 120-usuni siulliulluta BankNordikimi qarasaasiakkut sullitanut kiffartuussut nutaaq suliaraarput. Nittartagartaassarput suliarineqaleruttorpoq, tamannalu digitaliusumik kiffartuussiumalluta pilersaarutitta ilaminiinnaraa, siunertarigatsigu sullitatta nalitsinnut tulluuttumik aningaaseriveqarnermi sakkussaqartinnissaat. Pilersaarut tamanna malillugu aamma BankNordikimi Netbankip nutarsarneqarnerani suleqataavugut, taanna ukioq manna naammassissangatinneqarpoq.

2018-imi ukiup sisamararterutaani siullermi naatsorsuutit eqikkakkat

• Akileraarutit sioqqullugit inernerat tassaavoq 148 mio. kr, tassunga sanilliullugu 2017-imi piffimmi tassani 57 mio. kr.-upput

• Nalikilliliinerit sioqqullugit ingerlatsinerup inerneraa 47 mio. kr., 2017-imilu piffimmi tassani aamma taamaappoq.

• Taarsigassarsisitsinernik appartitsinerit utertinneqartut 31 mio. kr.-nik naleqarput, 2017-imilu piffimmi tassani 0 mio. kr.-ullutik

• Ingerlatsinerup inerneraa 77 mio. kr., tamannalu siorna piffissamut tassunga naleqqiullugu 66%-imik annertuneruvoq.

• Bankip taarsigassarsiarititai 2017-imi 9,2 mia. kr.-usut 9,6 mia. kr.-nut qaffariarsimapput.

• Bankimi uninngatitat 2017-imi ukiup sisamararterutaani siullermi 12,7 mia. kr.-usimasut 13,1 mia. kr.-nut qaffariarsimapput.

• Bankip akiliisinnaassusaa 2017-imi ukiup sisamararterutaani siullermi 18,4%-iusimasoq 2018-imi piffimmi tassani 18,9%-inngorluni qaffariarsimavoq.

• Bankimi siulersuisut naatsorsuutigaat 2018-imi naatsorsuutit nalikilliliinerit, nalilinnik naleqqussaanerit akileraarutillu sioqqullugit inernerat 160-200 mio. kr.-ussasoq (2017: 187 mio. kr.)

• Ukioq manna iluanaarutivissatsinnut isumalluarpugut, ukiullu aallartinneranit isumalluarnerulersimalluta. Taamaammat iluanaarutivittut naatsorsuutigisavut 165-215 mio. kr.-ugaluartut maanna 175-225 mio. kr.-upput (2017:189 mio. kr.).

Naatsorsuutinik nalunaarusiaq, børsimut nalunaarut saqqummiussinerlu Investor Relationsinut nittartakkatsinni takukkit.