Banki pillugu

Ilinniarnertuunngorniarfimmi nutaami BankNordikip ilinniartoq kalaaleq ataaseq legatimik tuniniarpaa

Nunani Avannarlerni inuusuttut augustimi nutaarluinnarmik ilinniarfissaqalissapput – tassalu Nunani Avannarlerni Ilinniarnertuunngorniarfik. Tamatumuuna Danmarkimi, Savalimmiuni, Islandimi Nunatsinnilu ilinniarnertalimmik ilinniarnertuunngorniarsinnaanngorputit.

Nunani taakkunani sisamani ilinniarnermut atatillugu nerisassanut, ineqarnermut angalanernullu ilinniartut namminneq aningaasartuuteqartartussaassapput.

Taamaammat BankNordikip ilinniartoq kalaaleq ataaseq legatimik tunillugu tapersersorusuppaa. Legatinnattoq ukiumut 50.000 kr.-inik tunineqartassaaq, ilinniarneq ukiunik pingasunik sivisussuseqarpoq – tassa katillugit 150.000 kr.-inik tunineqassaaq.

Legatinnakkumallutit qinnuteqarniaruit uku piumasaqaatigaagut:

  • qinnuteqaammik allagaqassaatit, sooq illerpiaq legatinnassanersutit tunngavilersorlugu oqaluttuaralugu

  • legatinnattup saqqummiunneranut atatillugu assilitillutillu oqaaseqaateqassaatit

  • semesterikkaartumik – tassa imaappoq ilinniarnerup ingerlanerani arfinileriarlutit – ilinniarnerit pillugu oqaluttuartassaatit, videoliorlutit allallutilluunniit, NGK-mi ilinniartuuneq oqaluttuarilaarlugu. Oqaluttuatit BankNordikip nittartakkamini (banknordik.gl) inoqatinullu attaveqaatini atortassavai.

Legatinnakkusukkuit legatimut qinnuteqaatit ilinniarnertuunngorniarfimmut qinnuteqaatinnut ilanngullugu nassiutissavat.

Ilinniarfissaq qanorpiarlu qinnuteqarnissaq pillugu sukumiinerusumik paasisaqarsinnaavutit uani: www.nordatlantisk.dk

Uatsinni periarfissatit paasisaqarfiginerorusuppigit?

Uunga sianerfigitigut

34 79 00

... allaffigalutaluunniit